Luk 6:41 - An Bibel Kernewek 20234 (Kernewek Kemmyn)

⁴¹ Prag y firydh orth an motta yn lagas dha vroder, mes ny verkydh an geber usi y'th lagas dha honan?

Luk 6:41 Iomraidhean Croise

1 Myghternedh 2:32

Ha'n Arloedh a wra dh'y woes dehweles war y benn ev y honan, rag heb godhvos ow thas Davydh, ev a goedhas war dhew wour moy gwiryon ha gwell agesso ev, ha'ga ladha gans an kledha: Abner mab Ner, kapten lu Ysrael, hag Amasa mab Yether, kapten lu Yuda.

1 Kroniklys 21:6

Mes ny niveras Yoab Levi na Benyamin y'n niveryans drefenn arghadow an myghtern dhe vos kasadow dhe Yoab.

Salmow 36:2

Rag ev a fekyl y honan a-dherag y dhewlagas y honan na vydh y gammweyth kasadow diskudhys.

Yeremia 17:9

An golonn yw fel dres pup-tra, ha drog dres remedi: piw a's aswonn?

Ezekiel 18:28

Rag ev dhe weles ha treylya dhiworth oll y kammweythresow re wrug, ev a vew yn sur; ny verow.

Matthew 7:1

‘Na wrewgh breusi ma na vewgh hwi breusys;

Mark 8:7

Hag yth esa gansa nebes puskes byghan; ha wosa aga benniga, ev a erghis i ynwedh dhe vos settys a-ragdha.

Luk 6:40

Nyns eus dyskybel a-ugh an dyskador; mes peub yw leun-dhyskys a vydh kepar ha'y dhyskador.

Luk 6:42

Po fatell yllydh leverel dhe'th vroder, “Broder, gas vy dhe gemmeres an motta yn-mes a'th lagas”, mes ty dha honan ny welydh an geber usi y'th lagas jy? Ty falswas! Kyns oll, kemmer an geber yn-mes a'th lagas jy, hag ena ty a wel diblans dhe gemmeres yn-mes an motta usi yn lagas dha vroder.

Yowann 8:7

Mes pan besyons ow kovynn orto, ev a sevis yn-bann ha leverel dhedha, ‘Neb ahanowgh a vo heb pegh, bedhes ev an kynsa dhe dewlel men orti.’

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Jamys 1:24

Ev a wel y honan ha mos dhe-ves hag ankevi a-dhesempis py par den yw.