Luk 6:29 - An Bibel Kernewek 20234 (Kernewek Kemmyn)

²⁹ Dhe neb a'th wysk war an eyl bogh ro dhodho hy ben ynwedh, ha neb a denn yn-mes dha vantell, na skon a ri dhodho dha bows ynwedh.

Luk 6:29 Iomraidhean Croise

2 Samuel 19:30

Ha Mefibosheth a leveris dhe'n myghtern, ‘Kemmeres ev pup-tra, a-ban dheuva ow arloedh an myghtern arta yn kres dh'y ji.’

2 Kroniklys 18:23

Ena Sedekia mab Kenaana a dheuth dhe Mikaya, ha'y hwettyas war an vogh, hag a leveris, ‘Py fordh warnedha y tremenas spyrys an Arloedh dhiworthiv dhe gewsel dhis?’

Ysay 50:6

My a ros ow heyn dhe'n re a'm gweskis, ha'm diwvogh dhe'n re a dennas an varv yn-mes; ny gudhis ow fas dhiworth despit ha trew.

Kynvannow 3:30

ha res ev an vogh dhe neb a'n gwasko, ha bedhes lenwys a dhespit.

Mika 5:1

Lemmyn kuntell dha vagasow a soudoryon, ty vyrgh a vagasow; omsettya a-dro dhyn a wrussons; gans gwelenn y hweskons bogh rewler Ysrael.

Matthew 26:67

Ena i a drewas yn y fas ha'y weskel; ha re anedha orth y gronkya

Luk 22:64

hag i a gudhas y dhewlagas ha govynn orto ow leverel, ‘Gwra profoesa! Piw yw neb a'th weskis?’

Luk 6:30

Ro dhe bubonan a wovynn orthis, ha dhiworth neb a gemmer dha bythow na hwila aga bos daskorrys.

Yowann 18:22

Wosa ev dhe leverel hemma, onan a'n soedhogyon neb a sevi ena a ros hwatt dhe Yesu, ow leverel, ‘Yw yndella y hworthybis dhe'n arghoferyas?’

Oberow 23:2

Ha'n arghoferyas Ananias a erghis dhe'n re esa ow sevel yn y ogas gweskel yn ganow Powl.

1 Korinthianys 4:11

Bys y'n eur ma ha nown ha syghes ni a'm beus, ha noeth on ni, ha skorjys, ha diannedh,

1 Korinthianys 6:7

Lemmyn yn tevri, ha hwi ow mos dhe lagha, an eyl erbynn y gila, fethys owgh hwi yn tien. Prag nag yw gwell genowgh godhevel drokoleth? Prag nag yw gwell genowgh bos toellys?

2 Korinthianys 11:20

rag y'n godhevowgh, nebonan mara'gas gwra kethyon, nebonan mara'gas preydh, nebonan mar kwra maystri warnowgh dh'y les y honan, nebonan mar omdhrehav, nebonan mara'gas gwysk y'n fas.

Ebrowyon 10:34

Rag yn hwir hwi a geskodhevis gans an brisnoryon, ha hwi a wodhevis yn lowen ravnans agas pythow, a-ban wodhyewgh bos genowgh pythow gwell hag a bes.