Luk 6:27 - An Bibel Kernewek 20234 (Kernewek Kemmyn)

²⁷ ‘Mes my a lever dhy'hwi neb a glew, kerewgh agas eskerens, gwrewgh da dhe'n re a'gas kas,

Luk 6:27 Iomraidhean Croise

1 Myghternedh 13:6

An myghtern a leveris dhe wour Duw, ‘Pys lemmyn favour an Arloedh dha Dhuw, ha pys ragov, may fydh daskorrys ow leuv dhymm.’ Ytho gour Duw a bysis war an Arloedh; ha leuv an myghtern a veu daskorrys dhodho hag a dheuth ha bos par dell o kyns.

Salmow 7:4

mar attylis vy drog dhe'n den esa yn kres genev, po pylla ow eskar heb ken,

Lavarow Koth 24:17

Na lowenha pan goedh dha eskar, ha na as dha golonn dhe vos lowen pan drebuch,

Lavarow Koth 25:2

Glori Duw yw gwitha taklow kudhys, mes glori myghternedh yw aga diskudha.

Mark 4:24

Hag yn-medh ev dhedha, ‘Bedhewgh war a'n pyth a glewowgh. Gans an musur a vusurowgh, y fydh musurys dhywgh hwi: ha dhywgh hwi neb a woslow, moy a vydh res.

Luk 23:34

Ha Yesu a leveris, ‘A Das, gav dhedha, rag ny wodhons pandr'a wrons.’ Hag i a rannas y dhillas ow tewlel prenn.

Luk 6:22

‘Gwynn agas bys pan wra tus agas kasa, ha pan wrons agas keas mes ha despitya ha tewlel agas hanow yn-mes avel drogoberoryon, a-barth Mab an den;

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Luk 8:15

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

Luk 8:18

Merkyewgh ytho fatell glewowgh: rag neb a bewvo, dhodho ev y fydh res; ha neb na bewvo mann, y fydh kemmerys a-dhiworto ynwedh an pyth a dybir ev dhe bewa.’

Luk 8:8

Ha rann arall a goedhas yn dor mas, ha pan devis, hi a dhug trevas, kansplek.’ Hag ow leverel hemma, ev a grias, ‘Neb a'n jeves diwskovarn rag klewes, ev klewes.’

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 16:28

Mes Powl a elwis, ughel y lev, ow leverel, ‘Na wra drog vyth dhiso jy dha honan, rag yth eson ni oll omma.’

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.

Galatianys 6:10

Ytho, hedre vo spas dhyn, gwren ni da dhe bubonan, ha kyns oll dhedha i usi a'n teylu a fydh.

1 Thessalonianys 5:15

Gwaytyewgh nag attallo denvyth drog rag drog, mes pup-prys siwyewgh an pyth yw da, an eyl rag y gila, ha rag pub den oll.

3 Yowann 1:11

A garadow, na wra war-lergh an drog mes gwra war-lergh an da. Neb a wra da yma ev a Dhuw; neb a wra an drog ev ny welas Duw.