Luk 6:25 - An Bibel Kernewek 20234 (Kernewek Kemmyn)

²⁵ Go-hwi, yw lenwys lemmyn, rag hwi a berth nown. Go-hwi a hwerth lemmyn, rag hwi a gyn hag oela.

Luk 6:25 Iomraidhean Croise

Salmow 49:19

Ev a dhe henedh y dasow, ny welons golow bynitha.

Lavarow Koth 14:13

Yn hwarth hogen, an golonn yw trist, ha diwedh joy yw anken.

Lavarow Koth 30:9

poken lenwys vydhav hag y'th naghav hag y lavarav, ‘Piw yw an Arloedh?’ Po y fydhav boghosek ha ladra, ha disakra hanow ow Duw.

Ekklesiastes 2:2

A-dro dhe hwarth yn-medhav, ‘Follneth yw’, hag a-dro dhe blesour, ‘Pandr'a amont hemma?’

Ekklesiastes 7:3

Gwell yw galar ages hwarth, drefenn dre dristyns an fas y teu ha bos gwell an golonn.

Ekklesiastes 7:6

Rag kepar ha dell yw krakkyans spern yn-dann galter, yndellma yw hwarth an foll. Hemma ynwedh yw euveredh.

Ysay 28:7

An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Ysay 8:21

Ev a dremen der an tir, duwenik ha nownek; ha rag bos dhedha nown, i a vydh serrys, hag ow mires war-vann i a volleth aga myghtern ha'ga Duw;

Ysay 9:20

A-dhyghow den a dhevor ha hwath nownek vydh; a-gledh den a dheber ha ny vydh gwalghys. Pubonan a dheber kig y gentrevek.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Luk 12:20

Mes Duw a leveris dhodho, “Ty foll, haneth y'n nos dha enev a vydh rekwirys dhiworthis; ha'n pythow a bareussys, piw dhodho y fydhons?”

Luk 13:28

Hag ena y fydh oela ha skrinva dyns pan welowgh Abraham hag Ysak ha Yakob hag oll an brofoesi yn gwlaskor Duw, mes hwi tewlys yn-mes.

Luk 6:24

Mes go-hwi an re rych, rag hwi re dhegemmeras agas konfort.

Luk 6:26

‘Go-hwi pan gews tus oll da a-dro dhywgh, rag y'n keth vaner y hwre aga thasow dhe'n fals profoesi.

Luk 8:53

Mes i a'n skornya, ow kodhvos hi dhe vos marow.

Efesianys 5:4

Na vedhes fara plos na kows gokki na ges, nag yw gwiw, mes grasyans yn aga le.

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

Jamys 4:9

Gwrewgh galari, ha kyni hag oela. Bedhes agas hwarth treylys dhe gynvann, ha'gas lowena dhe dristyns.

Diskwedhyans 3:17

Rag ty a lever, “Rych ov vy, ha my re sewenis, ha nyns eus edhomm vyth dhymmo vy”; ha ny wodhesta dha vos truedhek, ha pitethus, ha boghosek, ha dall ha noeth.

1 Samuel 2:5

An re leun re werthas aga lavur rag bara, mes an re nownek ny's teves nown namoy. An anvap re dhineythis seyth, mes hi neb a's teves lies flogh a wedher.