Luk 6:23 - An Bibel Kernewek 20234 (Kernewek Kemmyn)

²³ lowenhewgh y'n jydh na, ha lemmewgh gans heudhder, rag otta, meur yw agas gober yn nev; rag y'n keth vaner y hwre aga thasow dhe'n brofoesi.

Luk 6:23 Iomraidhean Croise

2 Samuel 6:16

Pan dheuth argh an Arloedh a-ji dhe sita Davydh, Mikal myrgh Sowl a viras war-woeles der an fenester, ha gweles myghtern Davydh ow lamma hag ow tonsya dherag an Arloedh; ha hi a'n dispresyas yn hy holonn.

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:14

Ev a worthybis, ‘My re beu pur dhiwysyk rag an Arloedh, Duw an luyow; rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:2

Ena Yezebel a dhannvonas kannas dhe Elias, ow leverel, ‘Yndellma re wrello an duwow dhymm, ha moy keffrys, mar ny wrav dha vewnans avel bewnans onan anedha erbynn an termyn ma a-vorow.’

1 Myghternedh 21:20

Ahab a leveris dhe Elias, ‘A'm kevsys, ow eskar?’ Ev a worthybis, ‘My re'th kavas. Drefenn ty dhe wertha dha honan dhe wul an pyth yw drog yn golok an Arloedh,

1 Myghternedh 22:27

ha leverel, “Yndellma y lever an myghtern: Gorr an gwas ma y'n prison, ha'y voesa orth ewnrannow lehes a vara hag a dhowr bys pan dhov yn kres.” ’

1 Myghternedh 22:8

Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

2 Myghternedh 6:31

Hag ev a leveris, ‘Re wrello Duw yndella dhymm ha moy ynwedh, mar pes penn Elisha mab Shafat war y dhiwskoedh hedhyw.’

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Salmow 58:11

Ha tus a lever, ‘Yn hwir yma pewas dhe'n den gwiryon; yn hwir yma Duw a vreus y'n nor.’

Ysay 35:6

Ena an evredhek a lamm avel karow, ha taves an den avlavar a gan yn lowen. Rag dowr a derr yn-mes y'n gwylvos, ha goverow y'n difeythtir.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Matthew 5:12

Lowenhewgh ha bedhewgh pur heudhik, rag meur yw agas gober y'n nevow, rag yndella y hwrussons helghya an brofoesi neb a veu kyns agas prys hwi.

Luk 1:41

Ha pan glewas Elisabeth salusyans Maria, an flogh a lammas yn hy brys; hag Elisabeth a veu lenwys a'n Spyrys Sans,

Luk 1:44

Rag otta, pan dheuth lev dha salusyans dhe'm diwskovarn, an flogh a lammas y'm brys gans joy.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Oberow 14:10

a leveris, ughel y lev, ‘Sav yn-bann war dha dreys.’ Hag ev a lammas yn-bann ha kerdhes.

Oberow 3:8

hag ow lamma yn-bann ev a sevis ha kerdhes hag entra gansa y'n tempel, ow kerdhes ha lamma ha gormel Duw.

Oberow 5:41

Rakhenna, i eth yn-mes dhiworth an konsel ow lowenhe, drefenn aga bos reknys gwiw dhe berthi disenor a-barth an hanow.

Romanyon 5:3

Dres henna, ni a bost yn agan galarow, ow kodhvos galar dhe dhri perthyans,

2 Korinthianys 12:10

Rakhenna pes da ov vy, yn gwannder, yn despityansow, yn edhommow, yn helghyans ha kaletteryow rag Krist; rag gwann pan ov vy, ena galloesek ov.

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

Ebrowyon 11:26

Ev a dybi godhevel tebel dhyghtyans rag an Krist kevoeth moy ages tresoryow Ejyp, rag y fira yn-rag orth an gober.

Ebrowyon 11:6

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.

Jamys 1:2

Tybewgh pup-tra dhe vos lowena, ow breder, pan goedhowgh yn provow divers,

1 Peder 4:13

Mes, ha hwi ow kevrenna godhevyansow Krist, lowenhewgh, may lowenhahowgh ynwedh yn heudhik orth diskwedhyans y splannder.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 2:26

Ha dhe neb a fettho ha gwitha ow gwriansow bys y'n diwedh, my a re galloes war an kenedhlow,

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.

Diskwedhyans 3:5

Neb a fettho a vydh gwiskys yndella yn dillas gwynn, ha ny wrav defendya y hanow yn-mes a'n lyver a vewnans, mes yth aswonnav y hanow a-dherag ow Thas hag a-dherag y eledh.