Luk 6:22 - An Bibel Kernewek 20234 (Kernewek Kemmyn)

²² ‘Gwynn agas bys pan wra tus agas kasa, ha pan wrons agas keas mes ha despitya ha tewlel agas hanow yn-mes avel drogoberoryon, a-barth Mab an den;

Luk 6:22 Iomraidhean Croise

Ysay 65:5

Yn-medhons, ‘Avod, na dheus nes dhymm, rag yth ov vy re sans ragos.’ An re ma yw mog y'm dewfrik, tan ow leski oll an jydh.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Matthew 10:18

ha hwi a vydh dres a-rag governours ha myghternedh a'm govis vy yn dustuni dhedha ha dhe'n Jentilys.

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Matthew 10:39

Neb a hwila kavoes y vewnans, ev a'n kyll, ha piwpynag a gollo y vewnans a'm govis vy, a'n kyv.

Luk 20:15

Ytho i a'n tewlis yn-mes a'n winlann ha'y ladha. Pandra ytho a wra arloedh an winlann orta?

Luk 21:17

Ha hwi a vydh kesys gans pub den oll rag ow hanow vy.

Luk 6:21

Gwynn agas bys neb a berth nown lemmyn, rag hwi a vydh lenwys. Gwynn agas bys neb a oel, rag hwi a hwerth.

Yowann 12:42

Byttegyns lies hwath a'n rewloryon a grysis ynno, mes drefenn an Fariseow ny wrussons y gonfessya, ma na vens emskemunys a'n synaga;

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Yowann 17:14

My a ros dhedha dha er, ha'n bys a's kasas, rag nyns esons i a'n bys, kepar dell nag esov vy a'n bys.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Yowann 9:34

I a worthybis ha leverel dhodho, ‘Ty a veu genys oll yn tien yn peghosow, ha ty a vynn dyski dhyn?’ Hag i a'n tewlis yn-mes.

Oberow 22:22

Bys y'n ger ma i a woslowas orto, mes ena i a dhrehevis aga levow, ow leverel, ‘Dhe-ves gans den a'n par ma a'n nor; ny dhelledh ev dhe vewa.’

Oberow 24:5

Ni re gavas bos an gour ma pla, ow kul strif yn mysk oll an Yedhewon dres an nor, penn-ledyer sekt an Nazarenys.

Oberow 9:16

rag my a wra diskwedhes dhodho pygemmys y telledh ev dhe wodhav a-barth ow hanow.’

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

1 Peder 3:14

Mes mar kodhevowgh ynwedh rag ewnder, gwynn agas bys. Na berthewgh own rag euth anedha, ha na vedhewgh troblys,