Luk 5:5 - An Bibel Kernewek 20234 (Kernewek Kemmyn)

⁵ Ha Simon a worthybis ow leverel, ‘Mester, ni re lavuryas dres oll an nos heb kavoes travyth; mes herwydh dha er my a dewl an roesow.’

Luk 5:5 Iomraidhean Croise

Ezekiel 47:10

Tus a sev ryb an mor ow pyskessa; dhiworth En-gedi ha bys En-eglaym y fydh tylleryow rag lesa roesow. An puskes a vydh a lies kinda, kepar ha puskes an Mor Bras, pur lies.

Luk 17:13

hag i a dhrehevis aga lev ow leverel, ‘Yesu, Mester, kemmer truedh ahanan!’

Luk 8:24

Hag i a dheuth dhe wul dhodho difuna, ow leverel, ‘Mester, mester, kellys on!’ Ena ev a dhifunas ha keski an gwyns ha garowder an dowr; hedhi a wrussons hag yth esa kalmynsi.

Luk 8:45

Ha Yesu a leveris, ‘Piw a'm tochyas?’ Pan wrug pubonan y nagha, Peder a leveris, ‘Mester, an routhow a'th keas a-derdro orth dha waska, ha ty a wovynn, “Piw a'm tochyas”!’

Luk 9:33

Ha pan esens ow tiberth dhiworto Peder a leveris dhe Yesu, ‘Mester, da yw ni dhe vos omma; gwren drehevel teyr skovva, onan ragos jy hag onan rag Moyses hag onan rag Elias’, heb godhvos pandra esa ow leverel.

Luk 9:49

Ha Yowann a worthybis ha leverel, ‘Mester, ni a welas nebonan ow tewlel yn-mes dywolow y'th hanow jy, ha ni a'n lettyas, rag ny wra ev holya genen ni.’

Yowann 15:14

Hwi yw ow howetha mar kwrewgh pypynag a worhemmynnav dhywgh.

Yowann 2:5

Yn-medh y vamm dhe'n servysi, ‘Gwrewgh pypynag a lavarro dhywgh.’

Yowann 21:3

Simon Peder a leveris dhedha, ‘My a dhe byskessa.’ Yn-medhons i dhodho, ‘Ni ynwedh a dheu genes.’ I eth yn-mes ha mos dihwans y'n gorhel; hag y'n nos na ny gavsons travyth.