Luk 5:26 - An Bibel Kernewek 20234 (Kernewek Kemmyn)

²⁶ Ha pubonan a's teva marth, hag yth esons ow kormel Duw ha lenwys a own vons i, ow leverel, ‘Ni re welas marthusyon hedhyw.’

Luk 5:26 Iomraidhean Croise

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Matthew 12:23

Ha marth bras a'n jevo oll an routhow, hag yn-medhons, ‘A allsa hemma martesen bos mab Davydh?’

Matthew 28:8

Hag i a omdennas uskis dhiworth an bedh gans own ha lowena veur, ha poenya dhe ri derivadow dh'y dhyskyblon.

Matthew 9:8

Ha'n routhow pan y'n gwelsons a veu kemmerys gans own hag a wordhyas Duw neb re wrussa grontya kemmys galloes dhe dus.

Mark 2:12

Hag ev a sevis, hag ow kemmeres an gweli yn-bann a-dhesempis, ev eth yn-mes dherag a-wel anedha i oll, mayth esa marth dhedha i oll, ow kordhya Duw, ha leverel, ‘Bythkweth ny welsyn travyth a'n par ma.’

Luk 1:65

Own a dheuth war oll aga hentrevogyon; hag yth esa oll an taklow ma derivys a-les yn oll an vro venydhyek a Yudi,

Luk 5:8

Simon Peder pan y'n gwelas a goedhas orth dewlin Yesu ow leverel, ‘Diberth dhiworthiv, rag gour peghus ov, A Arloedh.’

Luk 7:16

Hag own a's kemmeras oll, hag yth esens ow kormel Duw, ow leverel, ‘Profoes meur re sevis yn agan mysk’, ha ‘Duw re wrug vri a'y bobel.’

Luk 8:37

Hag oll an routh a bow an Gadarenys a wre y bysi a'ga gasa, rag dalghennys vons i gans own meur; ytho ev eth yn gorhel ha dehweles.

Oberow 4:21

Ha pan y's godrossens pella, i a's livras; ny gavsons fordh vyth dh'aga hessydhya, drefenn an bobel; rag yth esa i oll ow ri gordhyans dhe Dhuw a-dro dhe'n pyth a hwarvia;

Galatianys 1:24

hag i a wordhyas Duw ynnov.