Luk 5:24 - An Bibel Kernewek 20234 (Kernewek Kemmyn)

²⁴ Mes may hwodhvowgh bos galloes dhe Vab an den war an nor dhe ava peghosow’ (ev a leveris dhe'n palsi) ‘my a lever dhis, sav, drehav dha ravath ha ke dhe'th tre.’

Luk 5:24 Iomraidhean Croise

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Daniel 7:13

My a welas yn gwelesigethow an nos, ottena yn mysk kommol an nev yth esa onan avel Mab an den ow tos; ev a dheuth bys y'n Koth a'n dydhyow hag i a'n hembronkas yn y ogas.

Matthew 16:13

Pan dheuth Yesu dhe rannvro Sesarea Filippi, ev a wovynnas orth y dhyskyblon ow leverel, ‘Piw y lever tus, Mab an den dhe vos?’

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Matthew 26:64

Yesu a leveris dhodho, ‘Ty re'n leveris; mes hwath yn-medhav dhywgh, Wosa hemma, hwi a wel Mab an den esedhys a'n barth dhyghow dhe'n galloes hag ow tos war gommol an nev.’

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Matthew 9:6

Mes rag may hwodhvowgh bos galloes gans Mab an den war an norvys dhe ava peghosow’, (ena ev a leveris dhe'n palsi), ‘Sav yn-bann, drehav dha weli ha ke dhe'th tre.’

Luk 5:13

Hag owth ystynn y leuv ev a'n tochyas ow leverel, ‘My a vynn, bydh glanhes.’ Hag a-dhesempis an lovryjyon a'n gasas.

Luk 5:18

Hag awotta, gwer ow toen den war ravath, neb o palsyes, hag i a hwila y dhri a-ji ha'y worra a-ragdho.

Luk 5:23

Pyneyl yw esya, leverel “Bedhes dha beghosow gevys”, po leverel “Sav ha kerdh”?

Luk 7:14

Hag ev a dheuth yn-rag ha tochya an eler, ha'n dhegoryon a hedhis; hag ev a leveris, ‘Den yowynk, my a lever dhis, sav yn-bann!’

Luk 8:54

Hag ev a dhannvonas peub yn-mes, ha'y synsi er hy leuv, ha gelwel, ‘A flogh, sav yn-bann.’

Yowann 11:43

Ha wosa kewsel yndella, ev a grias gans lev ughel, ‘Lazarus, deus mes!’

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Yowann 5:27

Hag ev a ros dhodho galloes dhe vreusi, rag ev dhe vos Mab an den.

Oberow 14:10

a leveris, ughel y lev, ‘Sav yn-bann war dha dreys.’ Hag ev a lammas yn-bann ha kerdhes.

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

Oberow 9:34

Yn-medh Peder dhodho, ‘Ayneas, Yesu Krist a'th yaghha; sav yn-bann ha kempenn dha weli.’ Hag a-dhistowgh ev a sevis yn-bann.

Oberow 9:40

Mes Peder a's gorras i oll yn-mes, ha mos war benn-dewlin ha pysi; ena ow treylya dhe'n korf ev a leveris, ‘Tabitha, sav yn-bann.’ Ha hi a igoras hy dewlagas, ha pan welas hi Peder hi a esedhas yn-bann.

Diskwedhyans 1:13

hag yn mysk an kantolbrennyer onan kepar ha Mab den, gwiskys yn pows ow trehedhes bys y'n treys, ha grogysys a-dro dhe'n dhiwvronn gans grogys owrek.