Luk 5:21 - An Bibel Kernewek 20234 (Kernewek Kemmyn)

²¹ Ha'n skribys ha'n Fariseow a dhallathas resna, ow leverel, ‘Piw yw hemma, ow kewsel blasfemiow? Piw a yll gava peghosow saw unnsel Duw?’

Luk 5:21 Iomraidhean Croise

Salmow 103:3

Neb a av dhis oll dha gammweyth, neb a yaghha oll dha glevesow,

Salmow 130:4

Mes yma gevyans genes jy, ytho ty yw ownys.

Salmow 32:5

My a aswonnis ow feghes dhiso jy, ha ny gudhis ow hammweyth. My a leveris, ‘My a yes ow hammweyth dhe'n Arloedh’; ha ty a avas kabel ow feghes. Sela.

Salmow 35:5

Bedhens i avel kulyn a-dherag an gwyns, hag el an Arloedh orth aga herdhya.

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Daniel 9:19

A Arloedh, klew! A Arloedh, gyv! A Arloedh, attend ha gwra; na wra hokya, a'th wovis jy dha honan, ow Duw, rag henwys yw dha sita ha'th pobel gans dha hanow.’

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Levitikus 24:16

Ha neb a vlasfem hanow an Arloedh a vydh gorrys dhe'n mernans yn sur; oll an kuntelles a'n labydh yn sur; an alyon ha'n genesik maga ta, pan volleth an Hanow, a vydh gorrys dhe'n mernans.

Mika 7:19

Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Matthew 26:65

Ena an arghoferyas a skwardyas y dhillas ow leverel, ‘Ev re wrug blasfemi, py edhomm eus dhyn a voy a dhustunioryon? Otta, hwi re glewas an blasfemi.

Matthew 9:3

Gans henna re an skribys a gewsis yntredha aga honan, ‘Yma an den ma ow plasfemya.’

Luk 3:8

Ytho, degewgh frut gwiw rag edrek ha na dhallethewgh leverel, “Ni a'gan beus Abraham dh'agan tas.” Rag my a lever dhywgh, Duw dhe alloes drehevel fleghes dhe Abraham dhiworth an meyn ma.

Luk 5:17

Hag y hwarva yn onan a'n dydhyow na, hag ev ow tyski, yth esa Fariseow ha dyskadoryon an lagha a'ga esedh ena, devedhys a bub tre a Alile, hag a Yudi, hag a Yerusalem; hag yth esa galloes an Arloedh ganso dhe yaghhe.

Luk 5:22

Mes Yesu owth aswonn aga frederow a worthybis ha leverel dhedha, ‘Pandr'a resnowgh yn agas kolonn?

Luk 7:49

Ha'n re o esedhys ganso a dhallathas leverel an eyl dh'y gila, ‘Piw yw hemma neb a av ynwedh peghosow?’

Yowann 10:33

An Yedhewon a worthybis dhodho, ‘Ny wren dha labydha rag ober da, mes rag blasfemi, ha rag ty, ow pos den, dhe omwul Duw.’

Romanyon 8:33

Piw a guhudh an re dewisys gans Duw? Duw yw hag a akwit.