Luk 5:14 - An Bibel Kernewek 20234 (Kernewek Kemmyn)

¹⁴ Hag ev a worhemmynnis dhodho, na lavarra dhe dhenvyth; ‘Mes ke dhe omdhiskwedhes dha honan dhe'n oferyas, ha gwra offrynn rag dha lanheans kepar dell worhemmynnis Moyses, yn dustuni dhedha.’

Luk 5:14 Iomraidhean Croise

Levitikus 13:2

Pan eus dhe dhen bothenn po krammenn po namm gwynn war gneus y gig, kepar ha'n pla a lovryjyon, ev a vydh dres dhe Aron an oferyas po dhe onan a'y vebyon, an oferysi,

Levitikus 13:49

ha mars yw gwyrdh po rudhik an pla y'n dillas po y'n ledher, y'n steuv po y'n anwi, po yn neppyth gwrys a gneus, pla lovryjyon yw, hag y fydh diskwedhys dhe'n oferyas.

Matthew 10:18

ha hwi a vydh dres a-rag governours ha myghternedh a'm govis vy yn dustuni dhedha ha dhe'n Jentilys.

Matthew 12:16

ow korhemmynna dhedha na wrellens gul dhodho bos aswonnys yn apert,

Matthew 8:4

Hag yn-medh Yesu dhodho, ‘Gorwith na leverri ger dhe dhenvyth, mes ke hag omdhiskwa dha honan dhe'n oferyas ha doro dha ro a ordenas Moyses, avel dustuni dhedha.’

Matthew 9:30

Ha'ga dewlagas a veu igerys. Ha Yesu a a's gwarnyas yn straght ow leverel, ‘Gwaytyewgh na wodhvo denvyth.’

Mark 1:44

ha leverel dhodho, ‘Gwayt na leverri travyth orth denvyth, mes ke war dha hyns, omdhiskwa dha honan dhe'n oferyas, hag offrynn rag dha lanheans an taklow a worhemmynnis Moyses, yn dustuni dhedha.’

Mark 6:11

Ha py tyller pynag na vynno agas degemmeres, na'gas klewes, pan yllowgh alena, shakyewgh dhe-ves an doust a-dhann agas treys yn dustuni er aga fynn.’

Luk 17:14

Ha pan y's gwelas ev a leveris dhedha, ‘Kewgh, omdhiskwedhewgh agas honan dhe'n oferysi.’ Hag i ow mos yn-kerdh, glanhes vons.

Luk 5:13

Hag owth ystynn y leuv ev a'n tochyas ow leverel, ‘My a vynn, bydh glanhes.’ Hag a-dhesempis an lovryjyon a'n gasas.

Luk 9:5

Ha seul na wra agas wolkomma, pan yllowgh yn-mes a'n sita na, shakyewgh an doust a-dhann agas treys yn dustuni er aga fynn.’