Luk 4:42 - An Bibel Kernewek 20234 (Kernewek Kemmyn)

⁴² Pan veu dydh devedhys ev eth dhe-ves hag omdenna dhe dyller ynyal; ha'n routhow a'n hwila hag a dheuth dhodho, ha'y lesta ma na dhibartha dhiworta.

Luk 4:42 Iomraidhean Croise

Mark 1:45

Mes ev eth yn-mes ha dalleth kewsel anodho yn feur ha dyllo an dra a-les, ma na ylli ev entra dhe'n sita namoy a-wel tus, mes yth esa a-ves yn tylleryow difeyth; hag i a dheuth dhodho a bub tu.

Luk 24:29

Mes i a ynnias warnodho ow leverel, ‘Trig genen, rag nammnag yw gorthugher, hag yma'n jydh lemmyn ow sedhi.’ Ytho ev eth a-ji dhe driga gansa.

Luk 6:12

Hag y'n dydhyow na, ev eth yn-kerdh dhe'n menydh dhe bysi, hag ev a spenas an nos yn pysadow dhe Dhuw.

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Yowann 4:40

Ytho pan dheuth an Samaritanys dhodho, i a'n pysis a wortos gansa; hag ev a wortas ena dew dhydh.

Yowann 6:24

Ytho pan welas an routh nag esa Yesu ena, na'y dhyskyblon, i ynwedh eth a-bervedh yn gorholyon ha dos dhe Kapernaum, ow hwilas Yesu.