Luk 4:22 - An Bibel Kernewek 20234 (Kernewek Kemmyn)

²² Hag yth esens i oll ow tustunia a-dro dhodho, ha marth a's tevo a'n geryow a ras a dheuth a'y anow, hag yn-medhons, ‘A nyns yw hemma mab Yosep?’

Luk 4:22 Iomraidhean Croise

Salmow 45:2

Tekka osta jy ages mebyon den; leun a ras yw dha dhiwweus, rakhenna Duw re'th vennigas bynitha.

Salmow 45:4

Hag y'th veuredh marghok yn sewena drefenn gwirder ha klorder hag ewnder; ha'th leuv dhyghow a dhysk dhis taklow euthyk.

Lavarow Koth 10:32

Diwweus an den gwiryon a woer an pyth yw plegadow, mes ganow an debeles a woer an pyth yw gorth.

Lavarow Koth 16:21

An den fur y golonn yw henwys den poellek, ha hwekter an dhiwweus a ynkress dyskans.

Lavarow Koth 25:11

Ger kewsys a-dermyn yw haval dhe avalow a owr settys yn arghans.

Ekklesiastes 10:12

Geryow ganow den fur yw grassyes, mes diwweus foll a wra y distrui.

An Gan a Ganow 5:16

Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Luk 2:47

hag yth esa marth gans peub a'n klewo, a'y gonvedhes ha'y worthybow.

Luk 2:48

Ha pan y'n gwelsons sowdhenys vons i, ha'y vamm a leveris dhodho, ‘Flogh, prag y'gan dyghtsys yndella? Otta, dha das ha my re beu orth dha hwilas yn ahwer.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Luk 4:21

Hag ev a dhallathas leverel dhedha, ‘Hedhyw an skryptor ma yw kollenwys yn agas diwskovarn.’

Yowann 1:45

Felip a gavas Nathanael ha leverel dhodho, ‘Ni re'n kavas neb a skrifas Moyses hag ynwedh an brofoesi anodho y'n lagha, Yesu mab Yosep, a Nazareth.’

Yowann 6:42

hag yn-medhons, ‘A nyns yw hemma Yesu mab Yosep neb a aswonnyn y das ha'y vamm? Fatell lever ytho, “Devedhys ov vy yn-nans dhiworth nev”?’

Yowann 7:46

An wesyon a worthybis, ‘Ny wrug denvyth bythkweth kewsel yndella, dell wra an den ma.’

Oberow 6:10

mes ny allsons sevel erbynn an furneth ha'n Spyrys mayth esa ow kewsel.

Titus 2:8

kows yagh, divlam may fo eskar shamys heb kavoes travyth drog dhe leverel a-dro dhyn.