Luk 4:18 - An Bibel Kernewek 20234 (Kernewek Kemmyn)

¹⁸ ‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Luk 4:18 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

Salmow 102:20

dhe glewes kynvann an prisner, dhe dhelivra an re dampnys dhe'n mernans;

Salmow 147:3

Ev a yaghha an re trogh aga holonn, ha kelmi aga goliow.

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Salmow 2:6

‘My re worras ow myghtern war Sion, ow menydh sans.’

Salmow 34:18

Yma an Arloedh ogas dhe'n re trogh aga holonn, hag ev a selow an re keudhesik aga spyrys.

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Salmow 51:17

Sakrifisow Duw yw spyrys trogh; kolonn drogh ha keudhesik, A Dhuw, ny dhispresydh.

Ysay 32:3

Ena ny vydh deges dewlagas an re a wel, ha diwskovarn an re a glew a woslow.

Ysay 35:5

Ena dewlagas an dhellyon a vydh igerys, ha diwskovarn an re vodhar a glew.

Ysay 42:7

rag igeri an dhewlagas dhall, dhe dhoen yn-mes an brisnoryon a'n vagh, dhiworth an prison an re a esedh yn tewlder.

Ysay 45:13

My a wrug dhodho difuna yn ewnder, ha my a wra oll y fordhow kompes. Ev a dhrehav ow sita, ha delivra ow divresow, a-der a wober nag a bewas, yn-medh Arloedh an luyow.

Ysay 49:9

rag leverel dhe'n brisnoryon, ‘Dewgh yn-mes’, dhe'n re usi yn tewlder, ‘Omdhiskwedhewgh!’ Peuri a wrons ryb an fordhow, war oll an ugheldiryow moel y fydh aga feurva.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Zekaria 11:11

Ev a veu dileys y'n jydh na, ha boghosogyon an flokk, neb esa ow mires orthiv, a wodhva hemma dhe vos ger an Arloedh.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Matthew 11:5

dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Matthew 12:18

‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Matthew 12:20

Korsenn vrewys ny's terr na bubenn ow megi ny's difeudh, erna dhokko ev ewnder dhe vudhogoleth,

Matthew 4:16

an bobel esedhys yn tewolgow re welas golow bras, ha war an re esedhys yn tir ha skeus ankow yma golow drehevys yn-bann.’

Matthew 5:3

‘Gwynn aga bys an re yw boghosek yn spyrys, rag dhedha i yw gwlaskor nev.

Luk 4:17

Hag y feu res dhodho lyver an profoes Ysay, ha wosa dirolya an lyver ev a gavas an tyller mayth o skrifys,

Luk 6:20

Hag ev a dhrehevis y dhewlagas trohag y dhyskyblon ha leverel, ‘Gwynn agas bys an re yw boghosek, rag dhywgh hwi yw gwlaskor Duw.

Luk 7:22

Hag ev a worthybis ha leverel dhedha, ‘Kewgh dhe dherivas dhe Yowann an taklow a welsowgh hag a glewsowgh: dellyon a wel arta, evredhyon a gerdh, klavorogyon yw glanhes ha'n vodharogyon a glew, an re varow yw drehevys, dhe'n voghosogyon an aweyl yw pregewthys;

Yowann 1:41

Ev a gavas y vroder y honan Simon yn kynsa hag yn-medh ev dhodho, ‘Ni re gavas an Messia’, (yw treylys, Krist).

Yowann 12:46

Devedhys ov y'n bys kepar ha golow, rag na wrello piwpynag a grysso ynnov vy triga yn tewlder.

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Oberow 4:26

Myghternedh an norvys a dheuth, ha'n rewloryon a omguntellas war-barth erbynn an Arloedh hag erbynn y Untys ev.”

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

Kolossianys 1:13

Ev a wrug agan delivra yn-mes a alloes an tewlder ha'gan gorra yn gwlaskor y Vab karadow,

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.