Luk 4:15 - An Bibel Kernewek 20234 (Kernewek Kemmyn)

¹⁵ Hag ev a dhyski yn aga synagys, enorys gans pub den oll.

Luk 4:15 Iomraidhean Croise

Ysay 55:5

Otta, ty a elow kenedhel na aswonnydh, ha kenedhel na aswonnydh a wra poenya dhis, drefenn an Arloedh dha Dhuw, ha'n Sans a Ysrael, rag ev re'th glorifias.

Matthew 13:54

Ha wosa ev dhe dhos dh'y vro y honan, ev a's dyskas yn aga synaga, par mayth esa marth dhedha, hag yn-medhons, ‘A-ble kavas hemma an furneth ma ha'n oberow barthusek ma?

Matthew 4:23

Hag yth esa ow mos a-dro dres oll Galile ow tyski yn aga synagys ha pregoth aweyl an wlaskor ha sawya pub kleves ha pub dises yn mysk an bobel,

Matthew 9:35

Hag yth esa Yesu ow mos a-dro yn oll an sitys hag y'n trevow, ow tyski yn aga synagys ha pregoth aweyl an wlaskor ha yaghhe pub kleves, ha pub dises.

Matthew 9:8

Ha'n routhow pan y'n gwelsons a veu kemmerys gans own hag a wordhyas Duw neb re wrussa grontya kemmys galloes dhe dus.

Mark 1:27

Hag yth ens i sowdhenys glan yn kettep penn, may hwrussons govynn an eyl orth y gila ow leverel, ‘Pandr'yw hemma? Dyskas nowydh gans awtorita! Ev a worhemmynn ynwedh dhe'n spyrysyon avlan, ha gostydh yns dhodho.’

Mark 1:39

Hag ev a dheuth ow pregoth yn aga synagys dres oll Galile, ow tewlel yn-mes an dhywolow.

Mark 1:45

Mes ev eth yn-mes ha dalleth kewsel anodho yn feur ha dyllo an dra a-les, ma na ylli ev entra dhe'n sita namoy a-wel tus, mes yth esa a-ves yn tylleryow difeyth; hag i a dheuth dhodho a bub tu.

Luk 13:10

Yth esa ow tyski yn onan a'n synagys y'n sabot.

Luk 4:16

Ena ev a dheuth dhe Nazareth, may fia megys, hag ev eth y'n synaga war-lergh y usadow yn dydh sabot, ha sevel dhe lenna.