Luk 24:44 - An Bibel Kernewek 20234 (Kernewek Kemmyn)

⁴⁴ Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Luk 24:44 Iomraidhean Croise

Jenesis 14:18

Ha Melkisedek myghtern Salem a dhros yn-mes bara ha gwin, hag ev o oferyas Duw Ughella.

Jenesis 22:18

Hag y'th has y fydh kenedhlow oll y'n norvys owth omvenniga, rag ty re woslowas orth ow lev.’

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Salmow 118:22

An men a skonyas an weythoryon re dheuth ha bos pennmen an korn.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 52:13

Otta, ow gwas a wra seweni, ughelhes vydh ha drehevys yn-bann, hag ev a vydh fest ughel.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 33:14

Otta, an dydhyow a dheu, yn-medh an Arloedh, may kollanwav an ambos a wrug dhe ji Ysrael ha dhe ji Yuda.

Ezekiel 17:22

Yndellma y lever an Arloedh Duw: My ow honan a gemmer skyllenn dhiworth topp ughel an gederwydhenn, ha'y settya y'n dor; dhiworth topp hy barrennow yowynk my a derr skyllenn bleudh; my ow honan a's plans war venydh pur ughel.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 7:13

My a welas yn gwelesigethow an nos, ottena yn mysk kommol an nev yth esa onan avel Mab an den ow tos; ev a dheuth bys y'n Koth a'n dydhyow hag i a'n hembronkas yn y ogas.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Zekaria 14:4

Ha'y dreys a wra sevel, y'n jydh na, war an menydh Oliv, usi a-rag Yerusalem dhe'n howldrevel, ha'n menydh Oliv a vydh folsys yn dew hanter a'n howldrevel dhe'n howlsedhes, nans fest bras; ha hanter an menydh a vydh removyes dhe'n kledh, ha hanter dhe'n dyghow.

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Niverow 21:8

Ha'n Arloedh a leveris dhe Moyses, ‘Gwra ragos sarf danek, ha'y gorra war beul; ha peub re beu brethys, pan y's gwel, a wra bewa.’

Niverow 35:25

ha'n kuntelles a wra sawya an denledhyas a-dhiworth dorn an dialor-goes, ha'n kuntelles a wra y dhaskorra dh'y sita veneghi, ple fisa, hag ev a vydh trigys ynni bys vernans an arghoferyas a veu untys gans an oyl sans.

Matthew 1:22

Oll henna yw hwarvedhys may fo kollenwys an dra kewsys gans an Arloedh der an profoes, ow leverel,

Matthew 16:21

Alena rag, Yesu a dhallathas diskwedhes dh'y dhyskyblon y fia res dhodho mones dhe Yerusalem ha godhevel lies tra dhiworth an henavogyon ha'n bennoferysi ha'n skribys, ha bos ledhys, ha bos drehevys y'n tressa dydh.

Matthew 26:54

Fatell allsa an skryptors bos kollenwys ytho, y tal hwarvos yndella?’

Matthew 26:56

Mes oll hemma yw hwarvedhys may fo kollenwys skrifow an brofoesi.’ Ena oll an dhyskyblon a'n gasas ha fia dhe'n fo.

Mark 9:31

Rag ev a dhyski y dhyskyblon ha leverel dhedha, ‘Mab an den a vydh daskorrys yntra diwla tus, hag y hwrons y ladha, ha wosa bos ledhys, ev a dhassergh wosa trydydh.’

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

Luk 22:37

Rag my a lever dhywgh, res yw an skryptor ma dhe vos kollenwys ynnov vy, “Ev a veu reknys yn mysk drogoberoryon”; hag yn hwir an pyth yw skrifys ahanav a dheu dhe geweras.’

Luk 24:46

Hag yn-medh ev dhedha, ‘Yndella yw skrifys, Krist dhe wodhav, ha dhe sevel dhiworth an re varow y'n tressa dydh;

Luk 9:22

ow leverel bos res dhe Mab an den godhav lies tra ha bos neghys gans an henavogyon ha'n bennoferysi ha'n skribys ha bos ledhys ha bos drehevys y'n tressa dydh.

Luk 9:44

‘Gorrewgh an geryow ma yn agas diwskovarn; rag Mab an den a vydh delivrys yn diwleuv tus.’

Yowann 3:14

Ha kepar dell dhrehevis Moyses an sarf y'n gwylvos, yndella res yw Mab an den dhe vos drehevys,

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Yowann 5:46

Rag mar kwrellewgh krysi yn Moyses, hwi a gryssa ynnov vy; rag ev a skrifas ahanav.

Oberow 13:33

an ambos ma re gollenwis Duw dhyn ni, aga fleghes, ow trehevel Yesu; keffrys dell yw skrifys y'n nessa salm: “Ow mab yth osta, Hedhyw my re'th tineythis.”

Oberow 13:40

Rakhenna kemmerewgh with na dheffo warnowgh an pyth yw leverys y'n brofoesi:

Oberow 2:27

rag ny vynnydh gasa ow enev yn ifarn na ri dha Sans dhe weles podredhes.

Oberow 3:18

mes yndella Duw a gollenwis an taklow a dharganas ev dre anow an brofoesi oll, y Grist dhe wodhevel.

Oberow 7:37

Hemm yw an Moyses a leveris dhe vebyon Ysrael, “Duw a dhrehav ragowgh profoes dhiworth agas breder, dell y'm drehevis vy.”

Ebrowyon 10:1

Rag an lagha, na'n jeves marnas skeus a'n traow mas dhe dhos a-der an purra imaj a'n traow ma, ny yll nevra, der an keth sakrifisow yw offrynnys blydhen wosa blydhen heb lett, perfydhhe an re a dheu nes.

Ebrowyon 3:5

Lemmyn Moyses o len yn oll chi Duw avel gwas, dhe desta dhe'n traow a vedha kewsys a-wosa,

Ebrowyon 7:1

Rag an ‘Melkisedek ma, myghtern Salem, oferyas Duw an Ughella, a dheuth erbynn Abraham ow tehweles a-dhiworth ladhva an vyghternedh, ha'y venniga’;

Ebrowyon 9:8

Yndellma an Spyrys Sans a dhiskwa nag yw igerys hwath fordh dhe'n sentri, hedre vo an kynsa tabernakel hwath ow sevel

1 Peder 1:11

ow hwithra pyth po py termyn a dhiskwedhas Spyrys Krist ynna, pan ragdhustunias tormentys Krist ha'n splannder a wre y siwya.

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’