Luk 24:26 - An Bibel Kernewek 20234 (Kernewek Kemmyn)

²⁶ A nyns o res an Krist dhe wodhav an taklow ma hag entra yn y wolewder?’

Luk 24:26 Iomraidhean Croise

Jenesis 22:6

Hag Abraham a gemmeras keunys an offrynn leskys ha'y worra war Ysak y vab; ha kemmeres an tan y'n y dhorn ha kollell hag i eth aga dew war-barth.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Luk 24:46

Hag yn-medh ev dhedha, ‘Yndella yw skrifys, Krist dhe wodhav, ha dhe sevel dhiworth an re varow y'n tressa dydh;

Luk 24:7

ow leverel, bos res Mab an den dhe vos delivrys yn diwleuv peghadoryon ha dhe vos krowsys, ha dasserghi y'n tressa dydh.’

Yowann 2:22

Ytho pan veu drehevys dhiworth an re varow, y dhyskyblon a borthas kov ev dhe leverel hemma, hag i a grysis an skryptor, ha'n ger a gewsis Yesu.

Yowann 20:9

Rag ny gonvedhsens na hwath an skryptor, y koedhva dhodho dasserghi dhiworth an re varow.

Oberow 17:3

owth igeri hag ow tiskwedhes dhedha bos res dhe'n Krist godhav ha dastrehevel dhiworth an re varow, ow leverel, ‘Hemm o an Krist, Yesu neb a bregowthav dhywgh.’

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

1 Peder 1:11

ow hwithra pyth po py termyn a dhiskwedhas Spyrys Krist ynna, pan ragdhustunias tormentys Krist ha'n splannder a wre y siwya.

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,