Luk 24:11 - An Bibel Kernewek 20234 (Kernewek Kemmyn)

¹¹ ha'ga geryow a heveli dhedha bos flows, ha ny gryssons dhedha.

Luk 24:11 Iomraidhean Croise

Jenesis 19:14

Ha Lot eth yn-mes ha kewsel gans y dheuvyon a dhemmedhis y vyrghes ha leverel, ‘Sevewgh yn-bann, kewgh yn-kerdh yn-mes a'n tyller ma, rag an Arloedh a vynn distrui an sita ma.’ Mes dh'y dheuvyon yth heveli ev dhe vos den ow kul ges.

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

Job 9:16

Mara'n galwen, ha mar korthyppa ev dhymm, ny gryssen y vos ow koslowes orth ow lev.

Salmow 126:1

Pan dreylyas an Arloedh kethneth Sion, yth en ni kepar ha'n re owth hunrosa.

Mark 16:11

Hag i pan glewsons y vos yn few, ha dhe vos gwelys gensi, ny wrussons krysi.

Mark 16:13

hag yth ethons ha derivas dhe'n re erell; na byth moy i ny gryssons dhedha.

Mark 16:14

Wosa henna ev a omdhiskwedhas dhe'n unnek hag i esedhys dhe dhybri, hag a's keredhis a'ga diskryjyans ha kaletter aga holonn, drefenn na wrussons krysi dhe'n re a'n gwelsa, hag ev dasserghys.

Luk 24:25

Hag yn-medh ev dhedha, ‘A hwi dalsogh ha lent an golonn dhe grysi yn pup-tra a gewsis an brofoesi!

Luk 24:41

Hag i hwath diskryjyk dre lowena ha marth, yn-medh ev dhedha, ‘Eus genowgh omma neppyth dhe dhybri?’

Oberow 12:9

Ytho ev eth yn-mes ha'y holya; ny wodhva bos gwir an pyth esa ow hwarvos der an el, mes ev a dybis ev dhe weles gwelesigeth.