Luk 22:70 - An Bibel Kernewek 20234 (Kernewek Kemmyn)

⁷⁰ Hag i oll a leveris, ‘Osta ytho Mab Duw?’ Yn-medh ev dhedha, ‘Hwi a lever, ow bos evy.’

Luk 22:70 Iomraidhean Croise

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 2:7

My a dheriv ordenans an Arloedh; ev a leveris dhymm, ‘Ty yw ow mab, hedhyw my re'th tineythis.

Matthew 26:25

Yudas, neb a'n traytas, a leveris dhodho, ‘Sur nyns yw vy, Mester?’ Ev a worthybis, ‘Ty re'n leveris.’

Matthew 26:64

Yesu a leveris dhodho, ‘Ty re'n leveris; mes hwath yn-medhav dhywgh, Wosa hemma, hwi a wel Mab an den esedhys a'n barth dhyghow dhe'n galloes hag ow tos war gommol an nev.’

Matthew 27:11

Ha Yesu a sevis a-rag an governour; ha'n governour a wovynnas orto, ow leverel, ‘Ty yw myghtern an Yedhewon?’ Yn-medh Yesu, ‘Ty a'n lever.’

Matthew 27:43

ev a fydhyas yn Duw, re'n deliffro lemmyn mara'n mynn; rag ev a leveris, “My yw Mab Duw.” ’

Matthew 27:54

Ha'n penn-kangour ha'n re esa ganso ow kwitha Yesu, pan welsons an dorgrys hag oll a hwarva, a borthas own meur, ow leverel, ‘Yn tevri hemma o Mab Duw.’

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Matthew 4:3

Ha'n tempter a dheuth dhodho ha leverel, ‘Mars osta Mab Duw, lavar dhe'n veyn ma bos gwrys bara.’

Mark 14:62

Ha Yesu a leveris, ‘My ywa, “ha hwi a wel Mab an den esedhys a'n barth dhyghow dhe'n galloes, hag ow tos gans kommol an nev.” ’

Mark 15:2

Ha Pilat a wovynnas orto, ‘Ty yw Myghtern an Yedhewon?’ Hag ev a worthybis ha leverel dhodho, ‘Ty a'n lever.’

Luk 22:71

Yn-medhons i, ‘Pana edhomm eus dhyn a dhustuni? Ni re'n klewas a'y anow y honan.’

Luk 23:3

Ha Pilat a wovynnas orto, ‘Ty yw myghtern an Yedhewon?’ Ev a leveris dhodho, ow korthybi, ‘Ty a'n lever.’

Luk 4:41

Ha dywolow ynwedh a dho yn-mes a lies, ow kria ha leverel, ‘Ty yw Mab Duw.’ Mes ev a's keredhis, ha ny asas dhedha kewsel, rag yth aswonnsons ev dhe vos an Krist.

Yowann 1:34

Ha my a welas hag a dhustunias hemma dhe vos Mab Duw.’

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

Yowann 10:30

My ha'm Tas yw onan.’

Yowann 10:36

a yllowgh leverel anodho ev neb a wrug an Tas y sakra ha'y dhannvon y'n bys, “Ty a lever blasfemi”, rag my dhe leverel, “Mab Duw ov vy”?

Yowann 18:37

Ena yn-medh Pilat dhodho, ‘Osta myghtern ytho?’ Yesu a worthybis, ‘Ty a lever, ow bos myghtern. Rakhenna y feuv vy genys, ha rakhenna y teuth vy y'n bys, may hallen dustunia a'n gwiryonedh. Peub neb yw a'n gwiryonedh a glew ow lev.’

Yowann 19:7

An Yedhewon a worthybis dhodho, ‘Yma dhyn lagha, ha herwydh an lagha na y tal dhodho merwel, rag ev a omwrug Mab Duw.’