Luk 22:52 - An Bibel Kernewek 20234 (Kernewek Kemmyn)

⁵² Hag yn-medh Yesu dhe'n bennoferysi ha gwithysi an tempel ha'n henavogyon neb a dheuth dhodho, ‘A dheuthewgh yn-mes kepar dell ve erbynn lader, gans kledhedhyow ha fustow?

Luk 22:52 Iomraidhean Croise

2 Myghternedh 11:15

Ena Yehoyada an oferyas a worhemmynnis an gaptenyon o settys war an lu, ‘Drewgh hi yn-mes ynter an renkow ha ladha gans an kledha an re a dheu war hy lergh.’ Rag an oferyas re lavarsa, ‘Na vedhes hi ledhys yn chi an Arloedh.’

Matthew 26:47

Hag ev hwath ow kewsel, otta, Yudas, onan a'n dewdhek a dheuth, ha ganso routh veur ow toen kledhedhyow ha fustow, dhiworth an bennoferysi ha henavogyon an bobel.

Matthew 26:55

Y'n eur na Yesu a leveris dhe'n routhow, ‘A dheuthewgh hwi yn-mes gans kledhedhyow ha fustow dhe'm dalghenna kepar dell ve erbynn lader? Yth en esedhys y'n tempel pub dydh ow tyski ha ny wrussowgh ow dalghenna.

Luk 22:37

Rag my a lever dhywgh, res yw an skryptor ma dhe vos kollenwys ynnov vy, “Ev a veu reknys yn mysk drogoberoryon”; hag yn hwir an pyth yw skrifys ahanav a dheu dhe geweras.’

Luk 22:4

hag ev eth hag omgusulya gans an bennoferysi ha'n withysi fatell y'n daskorra dhedha.

Luk 22:51

Mes Yesu a worthybis, ‘Namoy a henna!’ hag ev a dochyas skovarn an gwas ha'y sawya.

Luk 22:53

Pub dydh yth esen vy genowgh y'n tempel, ha ny settsowgh dalghenn ynnov; mes hemm yw agas eur, ha nerth an tewlder.’

Yowann 17:12

Pan esen gansa, my a's synsis y'th hanow jy hag a resys dhymm, ha my a's gwithas, ha ny veu denvyth anedha kellys, marnas an mab a dhiswrians, may fe kollenwys an skryptor.

Oberow 5:26

Ena an kapten ha ganso an withysi eth hag i a's dros heb nell, rag own a's teva a'n bobel, na vens labydhys.