Luk 22:37 - An Bibel Kernewek 20234 (Kernewek Kemmyn)

³⁷ Rag my a lever dhywgh, res yw an skryptor ma dhe vos kollenwys ynnov vy, “Ev a veu reknys yn mysk drogoberoryon”; hag yn hwir an pyth yw skrifys ahanav a dheu dhe geweras.’

Luk 22:37 Iomraidhean Croise

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Luk 23:32

Dew arall, drogoberoryon, o hembrenkys war-barth ganso dhe vos gorrys dhe'n mernans.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Yowann 17:4

My re'th glorifiis war an norvys, ow kowlwul an ober a resys dhymm dhe wul.

Yowann 10:35

Mar kwrug ev aga henwel duwow may teuth ger Duw dhedha (ha ny yll an skryptor bos terrys),

Luk 18:31

Ena ev a gemmeras an dewdhek a'n eyl tu ha leverel dhedha, ‘Otta, ni a yn-bann dhe Yerusalem, ha pup-tra skrifys gans an brofoesi a-dro dhe Vab an den a vydh kowlwrys.

Luk 22:22

Rag devri Mab an den a yn-rag dell veu ordenys, mes go-ev an den na, dredho mayth yw traytys.’

Mark 15:27

Ha ganso i a growsyas dew lader, an eyl a'n barth dhyghow dhodho, ha'y gila a'n barth kledh.

Luk 22:36

Yn-medh ev dhedha, ‘Mes lemmyn, neb a'n jeves pors, gwres y gemmeres, hag y'n keth vaner skryp, ha neb na'n jeves, gwerthes ev y vantell ha prena kledha.

Luk 22:52

Hag yn-medh Yesu dhe'n bennoferysi ha gwithysi an tempel ha'n henavogyon neb a dheuth dhodho, ‘A dheuthewgh yn-mes kepar dell ve erbynn lader, gans kledhedhyow ha fustow?

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Mark 15:28

Ha'n skryptor a veu kollenwys a lever, ‘Hag ev a veu reknys yn mysk drogoberoryon.’