Luk 22:19 - An Bibel Kernewek 20234 (Kernewek Kemmyn)

¹⁹ Ena ev a gemmeras bara, hag a rassas ha'y derri ha'y ri dhedha, ow leverel, ‘Hemm yw ow horf yw res a-barth dhywgh; gwrewgh hemma yn kovadh ahanav vy.’

Luk 22:19 Iomraidhean Croise

Salmow 111:4

Ev a wrug dh'y oberow marthys bos kovhes; grassyes ha truedhek yw an Arloedh.

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

Ezekiel 37:11

Ena yn-medh ev dhymm, ‘A vab den, an eskern ma yw chi Ysrael oll yn tien. Otta, i a lever, “Sygh yw agan eskern, ha kellys yw agan govenek. Treghys dhe-ves on ni.”

Ezekiel 5:5

Yndellma y lever an Arloedh Duw: Homm yw Yerusalem; my re's settyas yn mysk an kenedhlow, gans gwlasow oll a-dro dhedhi.

Daniel 2:38

Ha plepynag eus trigys mebyon den, bestes gwyls hag ydhyn an ebron, ev re's gorras y'th torn, ha gul orthis rewlya warnedha oll. Ty yw an penn a owr.

Matthew 14:19

Ena yth erghis dhe'n routhow esedha war an glaswels ha wosa ev dhe gemmeres an pymp torth ha'n dhew bysk ha mires yn-bann dhe nev, ev a vennigas ha terri, ha ri an torthow dhe'n dhyskyblon, ha'n dhyskyblon a's ros dhe'n routhow.

Matthew 15:36

ha wosa ev dhe gemmeres an seyth torth ha'n puskes, ev a ros gras ha'ga therri, ha'ga ri dhe'n dhyskyblon, ha'n dhyskyblon dhe'n routhow.

Luk 22:17

Ena ev a gemmeras hanaf, hag a rassas, ha leverel, ‘Kemmerewgh hemma ha'y ranna yntredhowgh;

Luk 22:20

Hag yn keth vaner an hanaf wosa i dhe dhybri, ow leverel, ‘An hanaf ma yw an kevambos nowydh y'm goes vy, yw skoellys a-barth dhywgh.

Luk 24:30

Hag y hwarva, pan o ev esedhys gansa orth an voes, y kemmeras bara, ha benniga, ha terri, ha ri dhedha.

Yowann 6:23

Mes gorholyon erell a dheuth dhiworth Tiberias, ogas dhe'n tyller may tyb'sens an bara, wosa an Arloedh dhe ri grasow.

Yowann 6:51

My yw an bara bew a dheuth yn-nans dhiworth nev; mar teber den a'n bara ma, ev a vew bynitha; ha'n bara a rov yw ow hig, rag bewnans an bys.’

1 Korinthianys 10:16

An hanaf a vennath hag a vennigyn, a nyns yw kevrenna yn goes Krist? An bara hag a derryn, a nyns yw kevrenna yn korf Krist?

1 Korinthianys 10:4

hag oll a evas an keth diwes spyrysel; rag i a evas a'n garrek spyrysel a'ga siwyas, ha'n garrek o Krist.

Galatianys 1:4

a omros y honan rag agan peghosow rag ma'gan deliffra mes a'n bys, drog dell yw y'n eur ma, herwydh bodh agan Duw ha Tas,

Galatianys 4:25

Hagar yw menydh Sinay yn Arabia hag a styr Yerusalem, kepar dell yw y'n eur ma, rag kethes yw hi keffrys ha'y fleghes.

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

1 Thessalonianys 5:18

Yn pup-tra, rewgh grasyans, rag hemm yw bolonjedh Duw ragowgh yn Krist Yesu.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.