Luk 22:17 - An Bibel Kernewek 20234 (Kernewek Kemmyn)

¹⁷ Ena ev a gemmeras hanaf, hag a rassas, ha leverel, ‘Kemmerewgh hemma ha'y ranna yntredhowgh;

Luk 22:17 Iomraidhean Croise

Salmow 116:13

My a dhrehav an hanaf a selwyans ha gelwel war hanow an Arloedh.

Salmow 23:5

Ty a bareus moes a-dheragov yn golok ow eskerens; ty re untyas ow fenn gans oyl, ow hanaf yw gorlenwys.

Yeremia 16:7

Ny wrons terri bara rag an kyner, dhe brofya keskalar rag an den marow; na ny wra denvyth ri dhedha an hanaf a gonfort dhe eva rag aga thas po rag aga mamm.

Matthew 14:19

Ena yth erghis dhe'n routhow esedha war an glaswels ha wosa ev dhe gemmeres an pymp torth ha'n dhew bysk ha mires yn-bann dhe nev, ev a vennigas ha terri, ha ri an torthow dhe'n dhyskyblon, ha'n dhyskyblon a's ros dhe'n routhow.

Matthew 15:36

ha wosa ev dhe gemmeres an seyth torth ha'n puskes, ev a ros gras ha'ga therri, ha'ga ri dhe'n dhyskyblon, ha'n dhyskyblon dhe'n routhow.

Matthew 26:26

Ha pan esens ow tybri, Yesu a gemmeras bara hag a'n bennigas hag a'n torras ha'y ri dhe'n dhyskyblon, ow leverel, ‘Kemmerewgh, dybrewgh, hemm yw ow horf.’

Mark 14:22

Ha pan esens ow tybri, ev a gemmeras bara, ha wosa benniga, ev a dorras ha ri dhedha ha leverel, ‘Kemmerewgh, hemm yw ow horf vy.’

Luk 22:19

Ena ev a gemmeras bara, hag a rassas ha'y derri ha'y ri dhedha, ow leverel, ‘Hemm yw ow horf yw res a-barth dhywgh; gwrewgh hemma yn kovadh ahanav vy.’

Luk 9:16

Hag ow kemmeres an pymp torth ha'n dhew bysk, ev a viras yn-bann dhe nev ha'ga benniga, ha'ga therri, hag ev a's ros dh'y dhyskyblon rag aga settya a-rag an routh.

Romanyon 14:6

Neb a syns dy'goel, dhe'n Arloedh y'n syns, ha neb a dheber, dhe'n Arloedh y teber rag yth aswonn gras dhe'n Arloedh; ha neb na dheber, ny dheber ev dhe'n Arloedh hag ev a aswonn gras dhe Dhuw.

1 Korinthianys 10:16

An hanaf a vennath hag a vennigyn, a nyns yw kevrenna yn goes Krist? An bara hag a derryn, a nyns yw kevrenna yn korf Krist?

1 Korinthianys 11:23

Rag my a dhegemmeras dhiworth an Arloedh an pyth a res vy ynwedh dhywgh hwi: an Arloedh Yesu, y'n nos may feu traytys, a gemmeras bara,

Dewteronomi 8:10

Pan dhybrydh ha bos gwalghys, ena ty a vennik an Arloedh dha Dhuw rag an tir da a ros dhis.

1 Samuel 9:13

Kettell dhewgh a-bervedh y'n sita, hwi a'n kyv, kyns ev dhe vones yn-bann dhe'n tyller ughel dhe dhybri. Rag ny vynn an bobel dybri erna dheffo, drefenn ev dhe venniga an sakrifis; ha wosa henna an re neb yw gelwys a dheber. Ha lemmyn kewgh yn-bann, rag a-dro dhe'n termyn ma hwi a'n kyv.’