Luk 21:34 - An Bibel Kernewek 20234 (Kernewek Kemmyn)

³⁴ ‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

Luk 21:34 Iomraidhean Croise

Jenesis 19:32

Deun, gwren ni gul dh'agan tas eva gwin ha ni a wrowedh ganso, may hyllyn gwitha has der agan tas.’

Jenesis 19:35

Ytho i a wrug dh'aga thas eva gwin an nos na ynwedh, ha'n yowynka a sevis yn-bann ha growedha ganso, ha ny wodhva ev pan wrowedhas hi, na pan sevis hi yn-bann.

Jenesis 27:14

Ytho ev eth ha'ga hemmeres ha'ga dri dh'y vamm; ha'y vamm a bareusis taklow sawrek a'n par a gara y das.

Salmow 35:8

Bedhes ev sowdhenys gans terroes, ha bedhes ev kemmerys y'n roes a gudhas ev; koedhes ev ynni dhe derroes.

Lavarow Koth 21:4

Lagasow howtyn ha kolonn woethus, lugarn an debeles, yw pegh.

Lavarow Koth 23:20

Na vydh yn mysk an dus yw omres dhe win, nag yn mysk an dus a dheber re a gig;

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Ysay 28:7

An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.

Hosea 4:11

Fornikasyon ha gwin ha gwin nowydh a gemmer dhe-ves an golonn.

Levitikus 10:9

‘Na wrewgh hwi, naneyl ty na'th vebyon, eva gwin na korev pan entrowgh yn tylda an kuntelles, ma na verwowgh. Ordenans vydh bys vykken der agas henedhow,

Matthew 13:22

Ha'n dra hesys yn mysk spern, ev yw neb a glew an ger, mes fienasow an bys ha dynyans rychys a dag an ger hag ev ny dheg frut.

Mark 13:9

‘Mes bedhewgh war ragowgh agas honan; rag i a wra agas daskorr dhe gonselyow, hag y'n synagys hwi a vydh kronkys, ha hwi a vydh settys a-rag governours ha myghternedh a-barth dhymmo vy, yn dustuni er aga fynn.

Mark 4:19

ha fienasow an bys ma, ha dynyans rychys, ha hwans a daklow erell ow tos a-ji, a dag an ger, ha ny dheg frut.

Luk 10:41

Mes an Arloedh a worthybis ha leverel dhedhi, ‘Martha, Martha, prederus osta ha troblys a-dro dhe lies tra;

Luk 12:40

Ha hwi, bedhewgh parys, rag Mab an den a dheu yn eur ma na'n gwaytyowgh.’

Luk 17:3

Bedhewgh war! Mar pegh dha vroder, gwra y geredhi; ha mar koedh yn edrek, gav dhodho.

Luk 21:35

avel maglenn; rag ev a dheu war bubonan eus trigys war enep oll an nor.

Luk 21:8

Yn-medh ev, ‘Gwaytyewgh ma na vowgh toellys; rag lies a dheu y'm hanow vy ow leverel, “My yw”, hag “An termyn re nesas.” Na holyewgh war aga lergh.

Luk 8:14

An dra a goedhas y'n spern, yth yw an re a glewas, ha pan vons yn-rag tegys yns gans an fienasow ha'n rychys ha'n plesours a vewnans, ha ny dhegons frut adhves.

1 Korinthianys 5:11

Mes lemmyn my re skrifas dhywgh na gowetthyowgh gans nagonan, hag ev gelwys broder, yw den dijast, po den pith, po gordhyer idolys, po sklandrer, po medhow, po lader gwyls; byth na dhybrewgh gans den a'n par na.

1 Korinthianys 6:10

na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

Galatianys 5:20

gordhyans idolys, pystri, kas, strif, envi, sorr, strif, fowt akord, eresys,

Dewteronomi 29:19

Pan glew nebonan geryow an volleth ma, hag omvenniga yn y golonn, ow leverel, ‘Kres a vydh dhymm, kyn kerdhav yn gorthter ow holonn’, yndella ow tiswul an tir dowrhes war-barth gans an tir sygh,

Filippianys 4:6

Na vedhewgh prederus a dravyth mes yn pup-tra, dre bysadow ha govynnadow gans grasyans, bedhes an taklow a wovynnsowgh godhvedhys dhe Dhuw.

Ebrowyon 12:15

Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

2 Peder 3:14

Ytho, karadowyon, a-ban esowgh ow kortos an taklow ma, bedhewgh diwysyk, dhe vos kevys ganso dinamm ha divlam, yn kres.

Diskwedhyans 3:3

Kovha, ytho, fatell re wrussys degemmeres ha goslowes; ha syns fast, ha kemmer edrek. Mar ny vynn'ta difuna, dos a wrav kepar ha lader, ha ny wre'ta godhvos py eur tyffiv er dha bynn.

1 Samuel 25:36

Abigayl a dheuth dhe Nabal; hag, otta, yth esa ev ow synsi kevewi yn y ji, kepar ha kevewi myghtern. Ha kolonn Nabal o lowenek a-ji dhodho, rag ev o pur vedhow; rakhenna ny dherivas hi travyth orto, byghan na bras, bys yn golow myttin.