Luk 21:19 - An Bibel Kernewek 20234 (Kernewek Kemmyn)

¹⁹ Der agas perthyans hwi a wayn agas enev.

Luk 21:19 Iomraidhean Croise

Salmow 37:7

Bydh kosel a-dherag an Arloedh, ha gwra y wortos gans perthyans; na sorr drefenn an den a sewen yn y fordh, drefenn an gour a ober droktowlow.

Salmow 40:1

My a wortas an Arloedh gans perthyans; hag ev a blegyas dhymm ha klewes ow kri.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Matthew 24:13

Mes neb a dhur bys yn diwedh, ev a vydh selwys.

Luk 8:15

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

Romanyon 15:4

Rag pypynag a veu skrifys kyns a veu skrifys rag agan dyski, rag may hwrellen der agan perthyans ha dre gonfort an skryptors, kavoes govenek.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Romanyon 5:3

Dres henna, ni a bost yn agan galarow, ow kodhvos galar dhe dhri perthyans,

Romanyon 5:4

ha perthyans a dhre prevyans, ha prevyans a dhre govenek,

Romanyon 8:25

Mes mar kwaytir an pyth na welir, gans mall y'n gwaytir.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

2 Thessalonianys 3:5

Re wrello an Arloedh gidya agas kolonn dhe gerensa Duw ha dhe berthyans Krist.

Ebrowyon 10:36

Rag hwi a'gas beus edhomm a berthyans, may hwryllowgh bodh Duw ha kavoes an pyth yw ambosys.

Ebrowyon 6:11

Mes hwans a'gan beus hwi dhe dhiskwedhes, pub huni, an keth mall dhe dhrehedhes dhe leun surneth a wovenek bys y'n diwedh

Ebrowyon 6:15

Hag yndellma wosa perthi hirneth, ev a dhegemmeras an ambos.

Jamys 1:3

ow kodhvos an prevyans a'gas fydh dhe wul perthyans.

Jamys 1:4

Ha gwres perthyans kowlwul y ober may fewgh perfydh ha dien, heb bos dhywgh fowt travyth.

2 Peder 1:6

hag yn godhvos omrewl, hag yn omrewl perthyans, hag yn perthyans sansoleth,

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 13:10

Neb a ello yn kethneth, yn kethneth yth a: neb a vo ledhys gans kledha, gans kledha y fydh ledhys. Ottomma perthyans ha fydh an syns.

Diskwedhyans 14:12

Ottomma perthyans an syns, neb a with gorhemmynnow Duw, ha fydh Yesu.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.