Luk 21:10 - An Bibel Kernewek 20234 (Kernewek Kemmyn)

¹⁰ Ena yn-medh ev dhedha, ‘Kenedhel a sev erbynn kenedhel ha gwlaskor erbynn gwlaskor,

Luk 21:10 Iomraidhean Croise

Ysay 19:2

My a sett Ejyp erbynn Ejyp; pubonan a vatal orth y vroder, ha pubonan orth y gentrevek, sita orth sita, ruvaneth orth ruvaneth.

Zekaria 14:13

Y'n jydh na y fydh meur dheray dhiworth an Arloedh yn aga mysk. An eyl a dhalghenn leuv y gila, ha den a dhrehav y leuv erbynn y gentrevek.

Mark 13:8

Rag kenedhel a sev erbynn kenedhel ha gwlaskor erbynn gwlaskor; y fydh dorgrysyow yn lower le, y fydh divoetter; dalleth gloesow yw an re ma.

Luk 21:11

y fydh dorgrysyow meur, ha divoetter ha plagys yn lies le, hag y fydh hwarvosow euthyk ha toknys meur dhiworth nev.

Luk 21:9

Pan glewowgh a vreselyow ha deray, na gemmerewgh own; rag res yw an taklow ma dhe hwarvos kyns oll. Mes ny vydh an diwedh a-dhesempis.’

Oberow 11:28

hag onan anedha henwys Agabus a sevis yn-bann, ha dargana der an Spyrys y fedha divoetter meur dres oll an norvys; hemma a hwarva yn termyn Klawdius.

Ebrowyon 12:27

An lavar ma, ‘Unnweyth moy’, a dhiskwa treuskorrans an pythow yw kryghyllys, henn yw an pythow re beu gwrys, may pessyo an pythow na yll bos kryghyllys.