Luk 21:1 - An Bibel Kernewek 20234 (Kernewek Kemmyn)

¹ Ow mires yn-bann ev a welas an dus rych esa ow tewlel aga rohow y'n arghow.

Luk 21:1 Iomraidhean Croise

1 Myghternedh 14:26

ev a gemmeras dhe-ves tresoryow chi an Arloedh ha chi an myghtern; ev a gemmeras pup-tra. Ev a gemmeras dhe-ves ynwedh oll an skoesow a owr re wrussa Solomon.

2 Myghternedh 12:9

Yehoyada an oferyas a gemmeras kist ha tardra toll yn hy gorher, ha'y settya ryb an alter, a'n barth dhyghow ow tos a-berth yn chi an Arloedh. An oferysi esa ow kwitha an treudhow a worras ynni oll an arghans a veu dres a-berth yn chi an Arloedh.

2 Myghternedh 24:13

Ev a gemmeras dhe-ves oll tresoryow chi an Arloedh, ha treghi dhe demmyn oll an lestri a owr re wrussa Solomon myghtern Ysrael yn tempel an Arloedh, dell dharganas an Arloedh.

2 Kroniklys 36:18

Oll lestri chi Duw, bras ha byghan, ha tresoryow chi an Arloedh, ha tresoryow an myghtern ha'y soedhogyon, oll an re ma ev a dhros dhe Babylon.

Nehemia 13:13

Ha my a apoyntyas avel tresoryoryon yn charj a'n gwithvaow Shelemia an oferyas, Sadok an skriba, ha Pedaya a'n Levysi, hag avel aga gwereser Hanan mab Zakkur mab Mattania, rag i dhe vos akontys lel. Aga dever o lesranna proviansow dh'aga breder.

Matthew 27:6

An bennoferysi a gemmeras an mona ha leverel, ‘Nyns yw lafyl y worra y'n arghow, rag y vos pris goes.’

Luk 20:47

neb a gollenk chiow an gwedhwesow, hag a wra pysadow hir yn fayntys; an re ma a's tevydh dhe voy dampnasyon.’

Yowann 8:20

Ev a gewsis an geryow ma y'n arghow, hag ev ow tyski y'n tempel; ha ny wrug denvyth y dhalghenna, rag ny veu hwath devedhys y eur.

Yoshua 6:19

Oll an arghans ha'n owr, ha lestri a vrons ha horn, yw sans dhe'n Arloedh; i a dheu yn tresorva an Arloedh.’

Yoshua 6:24

I a loskas an sita ha pup-tra ynni gans tan; saw an arghans ha'n owr, ha'n lestri a vrons ha horn i a worras yn tresorva chi an Arloedh.