Luk 2:41 - An Bibel Kernewek 20234 (Kernewek Kemmyn)

⁴¹ Ha'y gerens e dhe Yerusalem pub blydhen dhe woel an pask.

Luk 2:41 Iomraidhean Croise

Eksodus 12:11

Y'n vaner ma hwi a wra y dhybri: grogysys agas diwglun, agas sandalyow war agas treys ha'gas gwelenn yn agas dorn; ha hwi a wra y dhybri yn unn fyski. Pask an Arloedh yw.

Eksodus 12:14

An jydh ma a vydh dydh kovadh dhywgh, ha hwi a wra y witha avel goel dhe'n Arloedh; der agas henedhow hwi a wra y witha avel ordenans bys vykken.

Eksodus 34:23

Teyrgweyth y'n vlydhen y hwra omdhiskwedhes oll dha re worow a-rag an Arloedh Duw, Duw Ysrael.

Levitikus 23:5

Y'n kynsa mis, yn peswardhegves dydh an mis, y'n gorthugher, yma pask an Arloedh,

Niverow 28:16

Y'n peswardhegves dydh a'n kynsa mis yth yw pask an Arloedh.

Luk 2:42

Ha pan veu ev dewdhek bloedh, i eth yn-bann war-lergh usadow an goel;

Yowann 11:55

Ha pask an Yedhewon o ogas, ha lies eth yn-bann dhiworth an pow kyns an pask, dhe omlanhe.

Yowann 13:1

Mes kyns goel an pask, pan wodhva Yesu y eur dhe vos devedhys rag tremena a'n bys ma dhe'n Tas, ow kara y dus y honan, ev a's karas bys y'n diwedh.

Yowann 2:13

Hag ogas o pask an Yedhewon, ha Yesu eth yn-bann dhe Yerusalem,

Yowann 6:4

Hag yth esa an pask, goel an Yedhewon, ow tos nes.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:18

Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Dewteronomi 16:16

Teyrgweyth y'n vlydhen pub gorreydh ahanowgh a vydh gwelys a-rag an Arloedh dha Dhuw y'n tyller a wra y dhewis: yn goel an bara heb goell, yn dy'goel an seythunyow, hag yn goel an skovvaow; ha ny vydh gwelys a-rag an Arloedh gwag y leuv.

1 Samuel 1:21

An gour Elkana hag oll y vayni eth yn-bann dhe offrynna dhe'n Arloedh an sakrifis blydhenyek, ha dhe gewera y ambos.

1 Samuel 1:3

Ha'n gour ma a wre mos yn-bann mes a'y sita blydhen wosa blydhen dhe wordhya ha sakrifia dhe Arloedh an luyow yn Shilo, le mayth esa an dhew vab a Eli, Hofni ha Finehas, oferysi an Arloedh.