Luk 2:4 - An Bibel Kernewek 20234 (Kernewek Kemmyn)

⁴ Ha Yosep ynwedh eth yn-bann dhiworth Galile, yn-mes a'n sita Nazareth, dhe Yudi, dhe sita Davydh, Bethlehem y hanow, rag ev dhe vos a ji hag a linyeth Davydh,

Luk 2:4 Iomraidhean Croise

Jenesis 35:19

Ha Raghel a verwis hag a veu ynkleudhys y'n fordh dhe Efrath, henn yw Bethlehem.

Jenesis 48:7

Pan dheuth vy dhiworth Padan, Raghel a verwis rybov yn pow Kanan war an fordh, hwath unn pols byghan kyns dos dhe Efrath, ha my a's ynkleudhyas ena war an fordh dhe Efrath.’ Henn yw Bethlehem.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Matthew 1:20

Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 2:23

hag ev eth dhe driga yn sita gelwys Nazareth may fe kollenwys an dra kewsys gans an profoes, ‘Ev a vydh henwys Nazaren.’

Luk 2:3

Hag yth esa pub huni ow mos dhe vos niverys, peub dh'y sita y honan.

Luk 2:5

dhe vos kovskrifys war-barth gans Maria, ambosys dhodho yn demmedhyans, ha hi gans flogh.

Luk 4:16

Ena ev a dheuth dhe Nazareth, may fia megys, hag ev eth y'n synaga war-lergh y usadow yn dydh sabot, ha sevel dhe lenna.

Yowann 1:46

Hag yn-medh Nathanael dhodho, ‘A yll travyth da dos mes a Nazareth?’ Yn-medh Felip dhodho, ‘Deus ha gwel.’

Yowann 7:42

A ny lever an skryptor, Krist dhe dhos a has Davydh, hag a Bethlehem, an dre mayth esa Davydh?’

Ruth 1:19

Ytho i eth yn-rag aga diw bys pan dheuthons dhe Bethlehem. Ha pan ens devedhys dhe Bethlehem, oll an sita o yn tervans a-dro dhedha, hag yn-medhons, ‘Yw hemma Naomi?’

Ruth 2:4

Hag otta, y teuth Boaz a-dhiworth Bethlehem, ha leverel dhe'n vysoryon, ‘An Arloedh genowgh’, hag yn-medhons i dhodho, ‘Re'th vennikko an Arloedh.’

Ruth 4:11

Hag oll an bobel esa y'n yet, ha'n henavogyon, a worthybis, ‘Dustunioryon on ni. Re wrello an Arloedh dhe'n venyn usi ow tos a-berth y'th chi bos kepar ha Raghel ha Lea, neb aga diw a dhrehevis chi Ysrael, ha re sewenni yn Efratha ha dos ha bos den a vri yn Bethlehem.

Ruth 4:17

An kentrevogesow a'n henwis, ow leverel, ‘Mab a veu genys dhe Naomi’, hag i a'n henwis Obed. Ev a dheuth ha bos tas Yesse, o tas Davydh.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 16:4

Ha Samuel a wrug an pyth a erghis an Arloedh dhodho, ha dos dhe Bethlehem. Ha henavogyon an dre a grenas orth y dhevedhyans, ha leverel, ‘Osta devedhys yn kres?’

1 Samuel 17:12

Lemmyn Davydh o mab an Efrathyas a Bethlehem yn Yuda, ha'y hanow Yesse, hag yth esa dhodho eth mab. Yn dydhyow Sowl an gour o seulabrys koth, gyllys y'n blydhynyow.

1 Samuel 17:58

Yn-medh Sowl dhodho, ‘Piw osta mab dhodho, ty wour yowynk?’ Ha Davydh a worthybis, ‘My yw mab dha was Yesse an Bethlehemyas.’

1 Samuel 20:6

Mar kovynn dha das yn ter a-dro dhymm lavar, “Davydh a wovynnas yn tiwysyk kummyas orthiv poenya dhe Bethlehem y sita; rag yma sakrifis blydhenyek ena rag oll an teylu.”