Luk 2:11 - An Bibel Kernewek 20234 (Kernewek Kemmyn)

¹¹ bos genys ragowgh hedhyw yn sita Davydh Selwyas, neb yw Krist an Arloedh.

Luk 2:11 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Matthew 1:16

ha Yakob a dhineythis Yosep gour Maria, may feu gensi dineythys Yesu, yw gelwys Krist.

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Matthew 16:16

Ha Simon Peder a worthybis ha leverel, ‘Ty yw an Krist, Mab an Duw bew.’

Matthew 16:20

Ena ev a erghis dhe'n dhyskyblon na wrellens derivas dhe dhenvyth ev dhe vos an Krist.

Luk 1:43

Ha prag yth yw hemma grontys dhymm, mamm ow Arloedh dhe dhos dhymmo vy?

Luk 1:69

ha drehevel korn a selwyans ragon yn chi Davydh y was;

Luk 2:26

Ha re bia diskwedhys dhodho gans an Spyrys Sans na vedha ow kweles ankow kyns ev dhe weles an Krist a'n Arloedh.

Luk 2:4

Ha Yosep ynwedh eth yn-bann dhiworth Galile, yn-mes a'n sita Nazareth, dhe Yudi, dhe sita Davydh, Bethlehem y hanow, rag ev dhe vos a ji hag a linyeth Davydh,

Yowann 1:41

Ev a gavas y vroder y honan Simon yn kynsa hag yn-medh ev dhodho, ‘Ni re gavas an Messia’, (yw treylys, Krist).

Yowann 1:45

Felip a gavas Nathanael ha leverel dhodho, ‘Ni re'n kavas neb a skrifas Moyses hag ynwedh an brofoesi anodho y'n lagha, Yesu mab Yosep, a Nazareth.’

Yowann 11:27

Yn-medh hi dhodho, ‘Arloedh, my a grys ty dhe vos an Krist, Mab Duw, neb a dal dos y'n bys.’

Yowann 20:31

Mes an re ma yw skrifys rag may kryssowgh Yesu dhe vos an Krist, Mab Duw, hag ow krysi may fo dhywgh bewnans yn y hanow ev.

Yowann 4:25

Yn-medh an venyn dhodho, ‘My a woer Messia, henwys Krist, dhe dhos; pan dheu, ev a dheriv dhyn pup-tra.’

Yowann 4:42

hag yn-medhons dhe'n venyn, ‘Ny grysyn na fella drefenn dha lavar jy, mes ni agan honan re glewas ha godhvos hemma dhe vos yn hwir Selwador an bys.’

Yowann 6:69

Ha ni a grys, hag a woer ty dhe vos an Sans a Dhuw.’

Yowann 7:41

Re erell a leveri, ‘Hemm yw an Krist’; mes re a leveri, ‘A dheu Krist a Alile?

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Oberow 13:23

Dhiworth henedh an gour ma Duw re dhros dhe Ysrael, herwydh y ambos, Selwyas Yesu.

Oberow 17:3

owth igeri hag ow tiskwedhes dhedha bos res dhe'n Krist godhav ha dastrehevel dhiworth an re varow, ow leverel, ‘Hemm o an Krist, Yesu neb a bregowthav dhywgh.’

Oberow 2:36

Rakhenna, godhvydhes oll chi Ysrael diogel, Duw re'n gwrug hag Arloedh ha Krist, an keth Yesu ma a growssowgh hwi.’

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

1 Korinthianys 15:47

A'n dor yth o an kynsa den, den a dhoust; a nev yth yw an nessa den.

Filippianys 2:11

ha mayth avowa pub taves bos Yesu Krist Arloedh, dhe wordhyans Duw an Tas.

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

Kolossianys 2:6

Rakhenna, dell dhegemmersowgh Krist Yesu an Arloedh, gwrewgh kerdhes ynno,

1 Yowann 4:14

Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.

1 Yowann 5:1

Pub huni a grys Yesu dhe vos an Krist yw genys a Dhuw; ha pub huni a gar dineythor a gar ynwedh an flogh dineythys ganso.