Luk 19:44 - An Bibel Kernewek 20234 (Kernewek Kemmyn)

⁴⁴ i a'th terr dhe'n dor, ha'th fleghes ynnos, ha ny asons men war ven ynnos, rag ny aswonnsys termyn dha visitasyon.’

Luk 19:44 Iomraidhean Croise

Salmow 137:9

Gwynn y vys neb a gemmerro dha fleghigyow ha'ga deghesi erbynn an meyn.

Ysay 10:3

Pandr'a wrewgh yn dydh kessydhyans, hag y'n annawel a dheu a bellder? Piw y poenyowgh dhodho rag gweres, ha ple hwrewgh gasa agas golewder,

Ysay 29:3

My a wra kampya a-derdro er dha bynn, ha gul esedhva er dha bynn gans touryow ha drehevel tommennow er dha bynn.

Yeremia 11:23

Ha ny vydh remenant anedha: rag my a dhre anfeusi war wer Anathoth, yn blydhen aga hessydhyans.

Kynvannow 1:8

Yerusalem re beghas dres eghenn, ha rakhenna res eth ha bos avlan; pubonan neb a's gordhya a's dispres, rag i re welas hy noethedh; kyni ynwedh a wra hi, ha treylya dhe-ves.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Matthew 24:2

Hag ev a worthybis ha leverel dhedha, ‘A ny welowgh hwi oll hemma? Yn hwir y lavarav dhywgh, ny vydh gesys omma men war ven na vydh terrys dhe'n dor.’

Mark 13:2

Ha Yesu a leveris dhodho, ‘A wel'ta jy an drehevyansow meur ma? Ny vydh gesys omma men war ven na vydh terrys dhe'n dor.’

Luk 1:68

‘Benniges re bo an Arloedh, Duw Ysrael; rag ev re dheuth dhe weles y bobel ha'ga dasprena,

Luk 1:78

dre druedh medhel agan Duw, may teu dh'agan visitya an jydh-tardh a'n ughelder,

Luk 19:42

ow leverel, ‘Mar kodhves, ty ynwedh, y'n jydh ma an taklow a led dhe gres! – mes lemmyn kudhys yns a'th tewlagas.

Luk 21:6

‘An taklow a welowgh – dydhyow a dheu pan na vydh gesys men war ven, na vydh tewlys dhe'n dor.’

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.