Luk 19:29 - An Bibel Kernewek 20234 (Kernewek Kemmyn)

²⁹ Ha pan dheuth nes dhe Bethfage ha Bethani, dhe'n vre henwys an menydh Oliv, ev a dhannvonas dew a'y dhyskyblon

Luk 19:29 Iomraidhean Croise

Zekaria 14:4

Ha'y dreys a wra sevel, y'n jydh na, war an menydh Oliv, usi a-rag Yerusalem dhe'n howldrevel, ha'n menydh Oliv a vydh folsys yn dew hanter a'n howldrevel dhe'n howlsedhes, nans fest bras; ha hanter an menydh a vydh removyes dhe'n kledh, ha hanter dhe'n dyghow.

Matthew 21:17

Hag ev a's gasas ha mos yn-mes a'n sita dhe Bethani, hag ena ev a ostyas dres nos.

Luk 19:30

ow leverel, ‘Kewgh dhe'n dre a-dal dhywgh, hag ow mos ynni hwi a gyv ebel asen stegys, ma na wrug denvyth bythkweth esedha warnodho. Gwrewgh y dhigelmi ha'y dhri omma.

Luk 19:37

ha pan dheuth nes dhe'n fordh war-nans a'n menydh Oliv, oll routh y dhyskyblon a dhallathas gormel Duw yn lowen gans lev ughel, rag oll an oberow galloesek a welsens,

Luk 21:37

Dydhweyth yth esa ev y'n tempel ow tyski, hag yn nos ev a wre mos yn-mes ha godriga y'n vre henwys an menydh Oliv.

Luk 22:39

Hag ow mos yn-mes, ev eth war-lergh y usadow dhe'n menydh Oliv, ha'y dhyskyblon ynwedh a'n holyas.

Luk 24:50

Ena ev a's hembronkas mes bys yn Bethani, hag ow trehevel y dhiwleuv ev a's bennigas.

Oberow 1:12

Ena i a dhehwelis dhe Yerusalem dhiworth an menydh henwys Oliv, usi ogas dhe Yerusalem, pellder kerdh an sabot.