Luk 18:7 - An Bibel Kernewek 20234 (Kernewek Kemmyn)

⁷ A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Luk 18:7 Iomraidhean Croise

Salmow 88:1

A Arloedh Duw ow selwyans, my re armas dydh ha nos a-dheragos.

Salmow 9:8

hag ev a vreus an nor yn gwiryonedh; ev a re gwirvreus dhe'n poblow yn ewnhynseth.

Eksodus 22:23

Mar kwredh aga thebeldhyghtya, hag i a gri warnav, my a wra klewes aga kri yn sur,

Ysay 40:27

Prag y leverydh, A Yakob, hag y kewsydh, A Ysrael, ‘Kudhys yw ow fordh rag an Arloedh, ha dispresys yw ow breus gans ow Duw’?

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Matthew 24:22

Ha mar ny ve an dydhyow na gwrys kott, ny via kig vyth selwys; mes rag an re dhewisys an dydhyow na a vydh gwrys kott.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Matthew 7:11

Hwi, ytho, ow pos drog, mar kodhowgh ri rohow da dh'agas fleghes, pygemmys moy y re agas Tas y'n nevow dhe'n re a wovynn orto!

Luk 11:13

Hwi ytho, ow pos drog, mar kodhowgh ri rohow da dh'agas fleghes, pygemmys moy y re an Tas a nev an Spyrys Sans dhe seul a wovynn orto!’

Luk 2:37

ha hi gwedhwes bys peswar bloedh ha peswar-ugens, neb na dhiberthi dhiworth an tempel, ow servya Duw gans penys ha pysadow dydh ha nos.

Luk 21:28

Mes pan dhalleth an taklow ma, sevewgh yn-bann ha drehevewgh agas penn, rag agas daspren yw ogas.’

Romanyon 8:33

Piw a guhudh an re dewisys gans Duw? Duw yw hag a akwit.

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

1 Thessalonianys 3:10

ow pysi yn tiwysyk dydh ha nos a weles agas fas ha kollenwel an pyth a fyll yn agas fydh?

2 Thessalonianys 1:6

Rag gwiryon yw dhe Dhuw dhe attyli galar dhe'n re a wra agas duwenhe,

1 Timothi 5:5

Neb yw gwedhwes wir, neb re beu gesys hy honan, re settyas hy govenek war Dhuw, ow pesya yn govynnadow ha pysadow dydh ha nos.

2 Timothi 1:3

Gras a wonn dhe Dhuw a wordhyav dell wrug ow thasow, divlam ow howses, ow perthi kov ahanas heb hedhi y'm pysadow dydh ha nos,

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.

Titus 1:1

Powl, gwas Duw hag abostol Yesu Krist, war-lergh fydh an re yw dewisys gans Duw hag aswonnvos an gwir yw yn akord gans sansoleth,

1 Peder 1:1

Peder, abostol Yesu Krist dhe'n bobel dhewisys, godrigoryon skattrys yn Pontus, Galatia, Kappadokia, Asia, ha Bithynia,

2 Peder 3:9

Nyns yw syger an Arloedh a-dro dh'y ambos, dell syns nebes tus sygerneth dhe vos, mes yma ganso hirwodhevyans yn agas kever, heb mynnes denvyth dhe vos diswrys, mes pub den dhe dhos dhe edrek.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 6:10

Hag i a armas, ughel aga lev, ow leverel, ‘Pygemmys prys, A Arloedh sans ha gwir, na vreusydh na diella agan goes war an re a drig war an norvys?’

Diskwedhyans 7:15

Rakhenna, ymons i a-dherag tron Duw, hag i a'n gordh dydh ha nos yn y dempel; ev neb yw esedhys war an tron a worr y dylda warnedha.