Luk 18:32 - An Bibel Kernewek 20234 (Kernewek Kemmyn)

³² Rag ev a vydh daskorrys dhe'n Jentilys, hag a vydh skornys ha despitys ha trewa a wrons warnodho;

Luk 18:32 Iomraidhean Croise

Ysay 50:6

My a ros ow heyn dhe'n re a'm gweskis, ha'm diwvogh dhe'n re a dennas an varv yn-mes; ny gudhis ow fas dhiworth despit ha trew.

Ysay 52:14

Par dell o lies hag a gemmeras skruth a'y wovis – mar dhifasys dell o y semlans, dres semlans gour, ha'y furv dres furv mebyon den –

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Mika 5:1

Lemmyn kuntell dha vagasow a soudoryon, ty vyrgh a vagasow; omsettya a-dro dhyn a wrussons; gans gwelenn y hweskons bogh rewler Ysrael.

Matthew 16:21

Alena rag, Yesu a dhallathas diskwedhes dh'y dhyskyblon y fia res dhodho mones dhe Yerusalem ha godhevel lies tra dhiworth an henavogyon ha'n bennoferysi ha'n skribys, ha bos ledhys, ha bos drehevys y'n tressa dydh.

Matthew 20:19

ha'y dhaskorr dhe'n Jentilys dhe vos skornys ha skorjys ha krowsys, hag y'n tressa dydh ev a wra dasserghi.’

Matthew 22:6

Ha'n re erell a dhalghennas y gethwesyon hag a's tebeldhyghtyas ha'ga ladha.

Matthew 26:67

Ena i a drewas yn y fas ha'y weskel; ha re anedha orth y gronkya

Matthew 27:2

ha wosa i dh'y gelmi, i a'n dug yn-kerdh ha'y dhaskorr dhe Pilat an governour.

Mark 14:65

Ha re a dhallathas trewa warnodho; ha kudha y fas i a wrug, ha'y gronkya, ha leverel dhodho, ‘Gwra profoesa’, ha'n withysi a'n kemmeras, gans hwattys.

Mark 15:1

Ha desempis y'n myttin an bennoferysi a wrug omgusulyans gans an henavogyon ha'n skribys hag oll an Sanhedrin; hag i a golmas Yesu, ha'y dhoen yn-kerdh ha'y dhaskorr dhe Pilat.

Luk 18:33

ha wosa y skorjya i a'n ladh; ha'n tressa dydh ev a dhassergh.’

Luk 23:1

Ena an routh oll a sevis hag a'n dug a-rag Pilat.

Luk 23:11

Ha Herod, gans y soudoryon a'n despityas ha'y skornya, ha wosa y gwetha yn dillas splann ev a'n dannvonas arta dhe Pilat.

Luk 23:35

Ha'n bobel a sevis ena ow mires; an rewloryon ynwedh a skornya ganso, ow leverel, ‘Ev a sawyas erell, omsawys ev y honan mars yw an Krist a Dhuw, an Dewisys.’

Yowann 18:22

Wosa ev dhe leverel hemma, onan a'n soedhogyon neb a sevi ena a ros hwatt dhe Yesu, ow leverel, ‘Yw yndella y hworthybis dhe'n arghoferyas?’

Yowann 18:28

Ena i a hembronkas Yesu dhiworth Kayfas bys y'n pretorium. Myttin a-varr o hi. Nyns ethons i aga honan a-bervedh y'n pretorium, ma na vens i defolys, mes may hallens dybri an pask.

Yowann 18:30

I a worthybis ha leverel, ‘Mar ny ve ev drogoberer, ny wrussyn ni y dhaskorr dhis.’

Yowann 18:32

may fe kollenwys an ger kewsys gans Yesu, ow styrya py par mernans a vedha ow merwel dredho.

Yowann 18:35

Pilat a worthybis, ‘Ov vy Yedhow? Dha genedhel dha honan ha'n arghoferyas a'th taskorras dhymm. Pandr'a wrussys?’

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.