Luk 18:13 - An Bibel Kernewek 20234 (Kernewek Kemmyn)

¹³ Mes an toller a sevis a-bell ha ny vynni na hwath drehevel y dhewlagas dhe nev, mes ev a weskis y vronn ha leverel, “Duw, kemmer truedh ahanav, peghador.”

Luk 18:13 Iomraidhean Croise

2 Samuel 12:13

Hag yn-medh Davydh dhe Nathan, ‘My re beghas erbynn an Arloedh.’ Ha Nathan a leveris dhe Davydh, ‘Lemmyn an Arloedh re worras dhe-ves dha begh; ny verwydh.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 33:23

Ny omuvelhas a-rag an Arloedh, dell omuvelhasa y das Manasse, mes an keth Amon ma a drespassas moy ha moy.

Ezra 9:6

ha leverel, ‘Ow Duw, meth a'm beus hag ankombrys ov may trehavav ow fas dhis, ow Duw: drefenn bos agan drogoberow ynkressys a-ugh agan penn, ha'gan kammweyth ughelhes bys y'n nevow.

Job 42:6

rakhenna my a'm kas ow honan, ha koedha yn edrek yn doust ha lusu.’

Salmow 106:6

Ni re beghas gans agan tasow; ni re wrug kammweythres ha sherewneth.

Salmow 119:41

Re dheffo dhymm dha dregeredh, A Arloedh, dha selwyans, herwydh dha lavar.

Salmow 130:7

Gwres Ysrael trestya y'n Arloedh, rag gans an Arloedh yma tregeredh, ha ganso yma daspren hel.

Salmow 25:11

A-barth dha hanow, A Arloedh, gav dhymm ow hammweyth, rag meur yw.

Salmow 25:7

Na borth kov a beghosow ow yowynkneth, na'm kammweyth; herwydh dha dregeredh porth kov ahanav, A Arloedh, a-barth dha dhader.

Salmow 40:12

Rag ankenyow diniver re dheuth a-dro dhymm; ow hammweythresow re'm dalghennas ma na allav mires yn-bann; moy aga niver yns i ages blewennow ow fenn, ha'm kolonn a fyll dhymm.

Salmow 41:4

My a leveris, ‘Bydh grassyes orthiv, A Arloedh; yaghha ow enev, rag my re beghas er dha bynn.’

Eksodus 33:10

Ha pan weli an bobel an goloven a gommol ow sevel orth daras an tylda, oll an bobel a sevi ha gordhya, pub den orth treudhow y dylda.

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Matthew 10:3

Felip ha Bertyl, Tommas ha Matthew an toller, Jamys mab Alfeus, ha Thaddeus,

Matthew 6:5

‘Ha ty pan byssi, na vydh avel an falswesyon, rag i a gar pysi ow sevel a-bervedh y'n synagys ha war gernow an stretys, may hallons bos gwelys gans tus; yn hwir y lavarav dhywgh, i re's teva aga gober.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Mark 11:25

‘Ha peskweyth may seffowgh dhe bysi, gevewgh hwi, mara'gas beus travyth erbynn nebonan, rag may haffo agas Tas eus yn nevow dhywgh hwi agas kammweythresow.

Luk 17:12

Ha pan entras yn unn dre, deg gour klavorek a dheuth er y bynn, ow sevel a-bell,

Luk 22:41

Hag ev a omdennas dhiworta a-dro dhe hys towl-men, hag ow mos war benn-dewlin ev a bysi,

Luk 23:48

Hag oll an routhow omguntellys dhe vires orth hemma, pan welsons an taklow a hwarva, a dhehwelis tre, ow kweskel aga bronn;

Luk 5:8

Simon Peder pan y'n gwelas a goedhas orth dewlin Yesu ow leverel, ‘Diberth dhiworthiv, rag gour peghus ov, A Arloedh.’

Oberow 2:37

Pan glewsons hemma, gwenys vons y'n golonn, hag i a leveris dhe Peder ha dhe'n abesteli erell, ‘Breder, pandr'a wren ni?’

Romanyon 5:8

Mes Duw a dhiskwa y gerensa dhyn drefenn Krist dhe verwel ragon ha ni hwath peghadoryon.

2 Korinthianys 7:11

Otta lemmyn, an keudh duwek ma, dredho pana frethter a veu oberys ynnowgh, pana omaskusyans, pana sorrvann, pana own, pana hwans ter, pana dhiwysygneth, pana gessydhyans. Yn pup-tra hwi re ombrovas ankablus y'n mater ma.

1 Timothi 1:15

Len yw an ger ha gwiw dhe bub kemmeryans, Krist Yesu dhe dhos a-bervedh y'n bys dhe selwel peghadoryon; ha'n kynsa anedha ov vy.

Ebrowyon 4:16

Nesyn ytho gans fydhyans dhe'n tron a ras, may tegemmerryn tregeredh ha kavoes gras dhe weres yn termyn edhomm.

Ebrowyon 8:12

Rag my a vydh tregeredhus a'ga drogoberow, ha ny wrav perthi kov namoy a'ga feghosow.’