Luk 17:6 - An Bibel Kernewek 20234 (Kernewek Kemmyn)

⁶ An Arloedh a leveris, ‘Mara'gas be fydh avel has kedhow, hwi a lavarsewgh dhe'n sykaminwydhenn ma, “Bydh ty diwreydhys ha plynsys y'n mor”, ha gostydh dhis y fia.

Luk 17:6 Iomraidhean Croise

Matthew 14:29

Ev a leveris, ‘Deus!’ Ha Peder a dhiyskynnas a'n gorhel ha kerdhes war an dowrow ha dos troha Yesu.

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

Matthew 21:21

Ha Yesu a worthybis ha leverel dhedha, ‘Yn hwir y lavarav dhywgh, mar pydh genowgh fydh heb hokya, ny wrewgh yn unnsel an dra gwrys dhe'n figbrenn, mes ynwedh mar leverewgh dhe'n menydh ma, “Ty bydh drehevys ha tewlys y'n mor”, henna a hwyrvydh;

Mark 4:31

Yth yw kepar ha hasenn kedhow, ha hi pan vo hesys yn dor, byghanna yw ages oll an hasennow usi y'n dor;

Mark 9:23

Ha Yesu a leveris dhodho, ‘Mar kyllydh? Pup-tra yw possybyl dhe neb a grysso.’

Luk 13:19

Haval yw dhe hasenn kedhow a wrug nebonan hy hemmeres ha'y hasa yn y lowarth, ha hi a devis, ha dos ha bos gwydhenn veur, hag yth esa ydhyn an ayr trigys yn hy skorrennow.’

Luk 17:7

‘Piw ahanowgh, ha dhodho kethwas owth aras po ow pugelya, pan dheu ev a-ji dhiworth an gwel a lever dhodho, “Deus omma hware, hag esedh orth an voes”?

Luk 19:4

Ytho ev a boenyas yn-rag hag yskynna yn sykomorwydhenn rag y weles, rag ev dhe dremena an fordh na kyns nep-pell.

Luk 7:13

Ha pan y's gwelas, an Arloedh a'n jeva truedh anedhi, hag a leveris dhedhi, ‘Na oel.’

Luk 7:19

ha'ga dannvon dhe'n Arloedh ow leverel, ‘Yw ty an den a dal dos, po ken onan a wortyn?’

1 Korinthianys 13:2

Ha mar pe dhymm galloes dhe brofoesa, ha mar konvetthen pub kevrin ha pub oll godhvos, ha mar pe dhymm fydh gowal may hallen tenna dhe-ves menydhyow, ha my heb kerensa, ny vien travyth.