Luk 17:2 - An Bibel Kernewek 20234 (Kernewek Kemmyn)

² Gwell via ragdho men-melin dhe vos gorrys a-dro dh'y gonna hag ev dhe vos tewlys y'n mor, kyns ev dhe wul onan a'n re vyghan ma dhe drebuchya.

Luk 17:2 Iomraidhean Croise

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Matthew 17:27

Mes, ma na wryllyn aga sklandra, ty gwra mos dhe'n mor ha tewl higenn ha kemmer an kynsa pysk a dheu yn-bann. Wosa ty dhe igeri y anow y kevydh stater. Kemmer henna ha ro dhedha ragov vy ha ragos jy.’

Matthew 18:10

‘Gwaytyewgh na wryllowgh dispresya onan a'n re vyghan ma; rag yn-medhav dhywgh bos aga eledh y'n nevow pup-prys ow mires war fas ow Thas eus y'n nevow.

Matthew 18:14

Yn kettellma nyns yw bodh agas Tas y'n nevow bos onan a'n re vyghan ma kellys.

Matthew 26:24

Yma Mab an den ow mos kepar dell yw skrifys anodho, mes go-ev an den na may ma Mab an den traytys ganso; da via dhodho, byth na ve genys an den na.’

Mark 9:42

‘Ha piwpynag a wrello dhe onan a'n re vyghan ma trebuchya, neb a grys ynnov vy, gwell via dhodho mar pe kregys men-melin meur a-dro dh'y gonna, ha'y vos tewlys y'n mor.

Yowann 21:15

Ytho wosa i dhe dhybri, yn-medh Yesu dhe Simon Peder, ‘Simon mab Yowann, es'ta jy orth ow hara vy moy es an re ma?’ Yn-medh ev dhodho, ‘Ya, Arloedh, ty a woer my dhe'th kara.’ Yn-medh ev dhodho, ‘Gwith war ow eyn.’

1 Korinthianys 9:15

Mes ny wrug vy devnydh a dravyth a'n gwiryow ma, na ny skrifis vy rag gwaynya traow a'n par na. Merwel a vynnsen kyns es dell gemmerro nebonan dhiworthiv ow skila dhe vostya!

1 Korinthianys 9:22

Dhe'n re wann my eth ha bos gwann, may hwaynnyen an re wann. My res eth ha bos pup-tra dhe dus oll may salwen awos eghenn rann anedha.