Luk 16:23 - An Bibel Kernewek 20234 (Kernewek Kemmyn)

²³ hag yn ifarn, hag ev yn tormentys, ev a dhrehevis y dhewlagas, ha gweles Abraham y'n pellder, ha Lazarus yn y askra.

Luk 16:23 Iomraidhean Croise

Salmow 16:10

Rag ny vynnydh gasa ow enev yn ifarn, na ri dha Sans dhe weles an pytt.

Salmow 49:15

Mes Duw a dhaspren ow enev dhiworth dalghenn ifarn, rag ev a'm degemmer. Sela.

Salmow 86:13

Rag meur yw dha dregeredh orthiv; ty re dhelivras ow enev dhiworth ifarn isella.

Salmow 9:17

An debeles a dhehwel dhe ifarn, oll an kenedhlow hag a ankovas Duw.

Lavarow Koth 15:24

Fordh bewnans a led yn-bann rag den doeth, dh'y witha rag mos dhe ifarn a-woeles.

Lavarow Koth 5:5

Hy threys a dhiyskynn dhe ankow, ha'y hammow a led troha ifarn;

Lavarow Koth 7:27

Hy chi yw an fordh dhe ifarn, ow tiyskynna dhe jambouryow ankow.

Lavarow Koth 9:18

Mes ny woer ev spyrysyon an re varow dhe vos ena, ha bos hy gwestoryon yn downderyow ifarn.

Ysay 14:15

Mes ty yw dres yn-nans dhe ifarn, dhe bella rannow an pytt.

Ysay 14:9

Ifarn a-woeles yw amovys ragos, dhe'th vetya pan dheudh; ev a dhifun spyrysyon an re varow ragos oll myns a veu ledyoryon an norvys; ev a dhrehav dhiworth aga thronys oll myghternedh an kenedhlow.

Matthew 11:23

Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn. Rag mar pe gwrys yn Sodom an oberow galloesek a veu gwrys ynnos jy, hi a wrussa durya bys y'n jydh hedhyw.

Matthew 18:9

Ha mar kwra dha lagas dhis trebuchya, tenn e mes ha towl e dhiworthis; gwell yw dhis mos unnlagasek a-bervedh yn bewnans ages bos tewlys yn tan ifarn, ha'th tewlagas genes.

Matthew 23:33

Hwi serf! Hwi askorr nadres! Fatell yllowgh diank dhiworth breus ifarn?

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Matthew 5:29

Ha dha lagas dyghow mar kwra dha sklandra, tenn e mes ha towl e dhiworthis; rag y fydh dhe les dhis onan a'th eseli dhe vos dhe goll, ha na vo tewlys oll dha gorf yn ifarn;

Matthew 8:29

Hag i a armas ow leverel, ‘Pandr'a vynnydh tejy genen ni, A Vab Duw? Osta devedhys omma rag agan tormentya kyns an termyn?’

Luk 16:24

Hag ev a elwis ha leverel, “A Das Abraham, kemmer truedh ahanav ha dannvon Lazarus rag may trogghyo bleyn y vys yn dowr ha yeynhe ow thaves, rag tormentys ov y'n flamm ma.”

Luk 16:28

rag yma dhymm pymp broder, dh'aga gwarnya, ma na dheffons i ynwedh bys y'n tyller ma a dorment.”

Luk 8:28

Pan welas Yesu, ev a armas, ha koedha a-ragdho, ha leverel gans lev ughel, ‘Pandr'a vynnydh tejy genev vy, Yesu, Mab Duw Ughella? My a'th pys, na wra ow thormentya.’

1 Korinthianys 15:55

‘A ankow, ple'ma dha drygh? A ankow, ple'ma dha vros?’

2 Peder 2:4

Rag mar ny sparyas Duw eledh re wrussa pegha, mes aga dannvon yn-nans dhe dewlder Tartarus, dhe vos gwithys bys y'n vreus;

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.