Luk 15:4 - An Bibel Kernewek 20234 (Kernewek Kemmyn)

⁴ ‘Py den eus ahanowgh, ha dhodho kans davas, ow kelli onan anedha, na as an nownsek ha peswar-ugens y'n gwylvos ha mos war-lergh an dhavas kellys erna's kaffo?

Luk 15:4 Iomraidhean Croise

Salmow 119:176

My re wandras yn sowdhan avel davas yw kellys; hwila dha was, rag ny ankevis dha worhemmynnow.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Yeremia 33:13

Yn sitys an vro venydhyek, hag yn sitys an Shefela, hag yn sitys an Negeb, yn pow Benyamin, hag y'n tylleryow a-dro dhe Yerusalem, hag yn sitys Yuda, an flokkys a dremen arta yn-dann leuv an den a's niver, yn-medh an Arloedh.

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 34:31

Hwi yw ow deves, deves ow feurva; my yw agas Duw, yn-medh an Arloedh Duw.

Ezekiel 34:4

Ny wrussowgh krevhe an deves gwann, na yaghhe an re klav, na kelmi an re brew; ny dhresowgh dhe-dre an re a wandras yn sowdhan, na ny hwilsowgh an re kellys, mes gans nerth hwi re's rewlyas, ha gans garowder.

Ezekiel 34:8

Dell vewav, yn-medh an Arloedh Duw, drefenn bos ow deves preydh, ha drefenn bos ow deves boes dhe bub best an gwel, heb bugel, ha ny wrug ow bugeledh hwilas ow deves, mes an vugeledh a vagas aga honan, heb maga ow deves,

Matthew 12:11

Mes ev a leveris dhedha, ‘Py den ahanowgh eus, hag unn dhavas ganso, mar koedh hi yn poll y'n sabot, na sett dalghenn ynni ha'y drehevel alena?

Luk 13:15

An Arloedh a worthybis dhodho ha leverel, ‘Falswesyon, a ny wra pubonan ahanowgh y'n sabot digelmi y ojyon po y asen a'n presep ha'y hembronk dhe-ves rag gul dhodho eva?

Luk 15:3

Ytho ev a gewsis dhedha an barabolenn ma, ow leverel,

Luk 19:10

Rag Mab an den a dheuth dhe hwilas ha dhe selwel an dra yw kellys.’

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

1 Peder 2:25

Rag yth esewgh ow mos yn sowdhan kepar ha deves, mes lemmyn treylys owgh hwi dhe'n bugel ha'n epskop a'gas enev.