Luk 15:29 - An Bibel Kernewek 20234 (Kernewek Kemmyn)

²⁹ Hag ev a worthybis dh'y das ha leverel, “Mir, py lies blydhen y hwrugavy dha servya, ha ny derris dha arghadow bythkweth; ha bythkweth ny resys dhymm kemmys ha mynnik rag may fen lowen gans ow howetha.

Luk 15:29 Iomraidhean Croise

Ysay 65:5

Yn-medhons, ‘Avod, na dheus nes dhymm, rag yth ov vy re sans ragos.’ An re ma yw mog y'm dewfrik, tan ow leski oll an jydh.

Zekaria 7:3

ow leverel dhe'n oferysi yn chi Arloedh an luyow ha dhe'n brofoesi, ‘A dalav galari ha gul penys y'n pympes mis, dell wren vy nans yw lies blydhen?’

Malaki 3:14

Hwi a leveris, ‘Euver yw servya Duw. Pandr'a veu agan gwayn ow kwitha y jarj hag ow kerdhes a-derdro avel kynoryon a-rag Arloedh an luyow?

Matthew 20:12

ow leverel, “An re dhiwettha ma a wonedhas unn our ha ty a's gwrug kehaval dhyn ni neb re borthas begh an jydh ha'n toemmder.”

Luk 15:28

Mes ev a sorras, ha skonyas a vos a-ji; ytho y das a dheuth yn-mes ha'y bysi.

Luk 15:30

Mes pan dheuth dha vab ma, neb re gollonkas dha vewnans gans horys, ty a ladhas ragdho an leugh peskys.”

Luk 15:7

My a lever dhywgh, yndella y fydh lowena yn nev rag unn peghador ha dhodho edrek, moy es dell vydh rag nownsek den gwiryon ha peswar-ugens nag eus dhedha edhomm a edrega.

Luk 17:10

Yndella hwi ynwedh, pan wrussowgh pup-tra a veu erghys dhywgh, leverewgh, “Kethwesyon anwiw on ni, ny wrussyn namoy es agan dever.” ’

Luk 18:9

Hag ev a gewsis an barabolenn ma dhe dus neb a drestya ynna i aga honan, i dhe vos gwiryon, ha dispresya tus erell:

Luk 19:21

rag own a'm bo ahanas, ty dhe vos den kales, ow kemmeres yn-bann an pyth na wrussys y worra yn-nans, hag ow mysi an pyth na wrussys y hasa.”

Romanyon 10:3

Rag heb godhvos a ewnder Duw, hag ow hwilas sevel aga ewnder aga honan, nyns ens gostydh dhe ewnder Duw.

Romanyon 3:20

Rag ny vydh denvyth justifiys der oberow an lagha, a-ban dheu aswonnvos pegh der an lagha.

Romanyon 3:27

Ytho ple'ma agan bostya? Eskes yw. Drefenn py lagha? Lagha an oberow? Na, drefenn lagha fydh.

Romanyon 7:9

Ow pewa yth esen a-der an lagha, mes pan dheuth an gorhemmynn, dasserghi a wrug pegh,

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 3:17

Rag ty a lever, “Rych ov vy, ha my re sewenis, ha nyns eus edhomm vyth dhymmo vy”; ha ny wodhesta dha vos truedhek, ha pitethus, ha boghosek, ha dall ha noeth.