Luk 15:24 - An Bibel Kernewek 20234 (Kernewek Kemmyn)

²⁴ rag ow mab ma o marow ha re vewas arta; kellys o, ha trovys yw.” Hag i a dhallathas goelya.

Luk 15:24 Iomraidhean Croise

Jenesis 45:28

Hag yn-medh Ysrael, ‘Lowr yw! Ow mab Yosep yw hwath yn few. My a vynn mos dh'y weles kyns merwel.’

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 66:11

may hyllowgh dena ha bos gwalghys orth hy bronn, ha bos konfortys; may hyllowgh lapya gans delit dhiworth tethennow hy glori.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 34:4

Ny wrussowgh krevhe an deves gwann, na yaghhe an re klav, na kelmi an re brew; ny dhresowgh dhe-dre an re a wandras yn sowdhan, na ny hwilsowgh an re kellys, mes gans nerth hwi re's rewlyas, ha gans garowder.

Matthew 8:22

Mes Yesu a leveris dhodho, ‘Ty gwra ow holya, ha gas dhe'n re varow ynkleudhyas aga thus varow aga honan.’

Mark 8:22

Ena i a dheuth dhe Bethsaida; hag i a dhros dhodho den dall, ha'y bysi ma'n tocchya.

Luk 10:19

Awotta, my re ros dhywgh awtorita dhe drettya war serf ha skorpyons, ha war oll galloes an eskar, ha ny wra travyth agas pystiga mann.

Luk 15:23

Ha drewgh an leugh peskys ha'y ladha, ha gwren ni dybri ha bos lowen,

Luk 15:25

‘Mes yth esa y vab kottha y'n gwel, ha pan dhehwelis, ow tos nes dhe'n chi, ev a glewas menestrouthi ha karoli,

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Luk 15:4

‘Py den eus ahanowgh, ha dhodho kans davas, ow kelli onan anedha, na as an nownsek ha peswar-ugens y'n gwylvos ha mos war-lergh an dhavas kellys erna's kaffo?

Luk 19:10

Rag Mab an den a dheuth dhe hwilas ha dhe selwel an dra yw kellys.’

Luk 9:60

Mes ev a leveris dhodho, ‘Gas dhe'n re varow ynkleudhyas aga thus varow aga honan; mes ty, ke dhe bregoth gwlaskor Duw.’

Yowann 11:25

Yn-medh Yesu dhedhi, ‘My yw an dasserghyans ha'n bewnans; neb a grys ynnov vy, hwath kyn farwo, ev a vew;

Yowann 5:21

Rag kepar dell wra an Tas drehevel an re varow ha ri dhedha bewnans, yndella ynwedh an Mab a re bewnans dhe biwpynag a vynno.

Romanyon 11:15

Rag mars yw aga thewlel dhe-ves unnverheans an bys, pyth yw aga degemmeres marnas bewnans a vernans?

Romanyon 12:15

Lowenhewgh gans an re a lowenha, oelewgh gans an re a oel;

Romanyon 6:11

Ytho y tegoedh dhywgh hwi omsynsi marow dhe begh mes ow pewa dhe Dhuw yn Krist Yesu.

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

1 Korinthianys 12:26

Mar kodhev unn esel, an eseli oll a wodhev ganso; mars yw enorys unn esel, an eseli oll a lowenha war-barth.

Efesianys 2:1

Ha hwi a veu marow yn agas drogoberow ha'gas peghosow

Efesianys 2:5

hwath pan en ni marow yn drogoberow, a wrug dhyn bewa war-barth gans Krist (hwi re beu selwys dre ras),

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Kolossianys 2:13

Ha hwi neb a veu marow yn kammweythresow ha heb trodreghyans a'gas kig, ev a wrug dhywgh bewa war-barth ganso, ow kava dhyn an kammweythresow oll,

1 Timothi 5:6

Mes neb a vew yn plesour yw marow kyn fo hi hwath yn few.

Lyther Yud 1:12

An re ma yw kudhys, kepar dell vens i morgribow, yn agas prysyow-boes a gerensa, hag a wra kevewya heb own kepar ha bugeledh owth omvaga: kommolennow heb dowr, degys hwymm-hwamm gans an awelyow, gwydhennow yn kynyav helergh heb frut vyth, diwweyth marow, diwreydhys;

Diskwedhyans 3:1

‘Ha dhe el an eglos yn Sardis skrif: An taklow ma a lever neb a'n jeves an seyth Spyrys a Dhuw, ha'n seyth sterenn: ‘My a aswonn dha wriansow. Yma hanow genes ty dhe vewa, mes marow osta.