Luk 15:23 - An Bibel Kernewek 20234 (Kernewek Kemmyn)

²³ Ha drewgh an leugh peskys ha'y ladha, ha gwren ni dybri ha bos lowen,

Luk 15:23 Iomraidhean Croise

Jenesis 18:7

Hag Abraham a boenyas dhe'n chatel ha kyrghes leugh, medhel ha da, ha'y ri dhe dhen yowynk neb a fistenas dh'y bareusi.

Salmow 63:5

Ow enev a vydh kontentys kepar dell ve gans mer ha blonek, ha'm ganow a'th wormel gans diwweus heudhik,

Lavarow Koth 15:17

Gwell yw sand a erbys may ma kerensa ages ojyon peskys ha kas ganso.

Lavarow Koth 9:2

Hi re ladhas hy bestes, hi re vyskas hy gwin, hi re bareusis hy moes.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Luk 15:24

rag ow mab ma o marow ha re vewas arta; kellys o, ha trovys yw.” Hag i a dhallathas goelya.

1 Samuel 28:24

Lemmyn an venyn a's tevo leugh peskys a-ji dhe'n chi. Hi a fistenas ha'y ladha, ha kemmeres bleus, ha'y doesa, ha pobas bara heb goell.