Luk 15:22 - An Bibel Kernewek 20234 (Kernewek Kemmyn)

²² Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Luk 15:22 Iomraidhean Croise

Jenesis 41:42

Ha Faro a gemmeras y vysow-sel dhiworth y leuv ha'y worra war leuv Yosep ha'y wiska gans dillas a sendal ha gorra chayn owrek a-dro dh'y gonna;

Ester 3:10

Ytho an myghtern a gemmeras y vysow-sel dhiworth y leuv, ha'y ri dhe Haman mab Hammedatha an Agagyas, eskar an Yedhewon.

Ester 8:2

Ena an myghtern a dennas yn-mes y vysow-sel a gemmersa dhiworth Haman ha'y ri dhe Mordekay. Hag Ester a ros dhe Mordekay an charj war ji Haman.

Salmow 132:16

Hy oferysi a wiskav gans selwyans, ha'y syns a arm gans lowena.

Salmow 132:9

Bedhes dha oferysi gwiskys yn ewnder, ha gwres dha syns garma yn lowen.

Salmow 18:33

Ev a wra ow threys kepar ha treys ewigow, ha'm settya fyrv war dylleryow ughel.

Salmow 45:13

Myrgh an Myghtern yw leun a splannder a-berth y'n palys; hy gwisk yw oberys gans owr.

An Gan a Ganow 7:1

Ass yw teg dha dhewdroes yn sandalyow, A vyrgh pennsevik! Avel tegennow yw dha dhiwvordhos rond, gweyth diwleuv krefter.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Luk 15:21

Y vab a leveris dhodho, “A Das, my re beghas erbynn nev hag a-dheragos; nyns ov wordhi na fella dhe vos gelwys dha vab.”

Luk 15:23

Ha drewgh an leugh peskys ha'y ladha, ha gwren ni dybri ha bos lowen,

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 3:22

ewnder Duw dre fydh yn Yesu Krist rag oll hag a grys. Rag nyns eus dibarth;

Romanyon 8:15

Ny gemmersowgh spyrys a gethneth ow ledya arta dhe own, mes hwi a gemmeras spyrys adoptyans avel mebyon dredho may kriyn ‘Abba! Tas!’

Galatianys 3:27

rag myns ahanowgh a veu besydhys yn Krist a wiskas Krist.

Efesianys 6:15

hag owth arghena an treys gans ombareusyans a dheu dhiworth an aweyl a gres.

Dewteronomi 33:25

Horn ha brons yw dha ebilyer; herwydh dha dhydhyow, yndella y fydh dha nerth.

Diskwedhyans 19:8

Ha res veu dhedhi hi bos gwiskys yn sendal, splann ha pur’ – rag an sendal yw oberow gwiryon an syns.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.

Diskwedhyans 6:11

Ha pows wynn a veu res dhe bubonan anedha, hag y feu leverys dhedha i dhe bowes a dermyn berr moy, bys may fe kowlwrys ynwedh niver aga heswesyon ha'ga breder a vedha ledhys kepar dell vons i ledhys kekeffrys.

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;