Luk 15:17 - An Bibel Kernewek 20234 (Kernewek Kemmyn)

¹⁷ Ow tos arta dh'y skians, ev a leveris, “Py lies goberwas a'm tas a's teves aga gwalgh a vara, mes my a verow omma gans nown!

Luk 15:17 Iomraidhean Croise

Salmow 119:59

My a brederis a'm fordhow ha treylya ow threys troha'th tustuniow.

Salmow 73:20

Avel hunros pan dhifun den; A Arloedh, pan dhifunydh jy, ty a dhispres aga imajys tremenadow.

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Yeremia 31:19

Rag wosa my dhe dreylya, my a goedhas yn edrek, ha wosa my dhe vos dyskys, my a weskis ow mordhos; meth a'm bo ha my a veu iselhes, drefenn my dhe dhoen keredh ow yowynkneth.’

Kynvannow 1:7

Yerusalem a berth kov, yn dydhyow hy anken ha'y diannetter, a'y fythow desirys oll a's tevo y'n dydhyow koth. Pan goedhas hy fobel yn dorn an eskar, heb denvyth a's gweressa, an eskerens a's gwelas, ha gul ges a'y therroes.

Ezekiel 18:28

Rag ev dhe weles ha treylya dhiworth oll y kammweythresow re wrug, ev a vew yn sur; ny verow.

Hosea 2:7

Hi a wra poenya war-lergh hy haroryon mes ny yll drehedhes dhedha; hi a's hwila, mes ny yll aga havoes. Ena hi a lever, ‘My a vynn mos, ha dehweles dhe'm kynsa gour; y feu gwell ragov ena es dell yw lemmyn.’

Luk 15:16

hag ewl a'n jevo a dhybri y walgh a'n plisk-karob a wre an mogh aga dybri, mes denvyth ny's ros dhodho.

Luk 16:23

hag yn ifarn, hag ev yn tormentys, ev a dhrehevis y dhewlagas, ha gweles Abraham y'n pellder, ha Lazarus yn y askra.

Luk 8:35

Ena i eth yn-mes dhe weles an pyth a hwarvia, hag i a dheuth dhe Yesu, ha kavoes an den may teuth an dhywolow yn-mes anodho esedhys orth treys Yesu; dillasys ha yagh y vrys; hag own a's teva.

Oberow 12:11

Ena Peder a dheuth dh'y ewn rewl ha leverel, ‘Lemmyn my a woer yn hwir y tannvonas Duw y el ha'm livra mes a leuv Herod ha mes a oll gwaytyans an bobel yedhowek.’

Oberow 2:37

Pan glewsons hemma, gwenys vons y'n golonn, hag i a leveris dhe Peder ha dhe'n abesteli erell, ‘Breder, pandr'a wren ni?’

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’