Luk 14:21 - An Bibel Kernewek 20234 (Kernewek Kemmyn)

²¹ Ha'n kethwas a dheuth dhe dherivas henna orth y vester. Ena mester an chi a sorras, hag yn-medh ev dh'y was, “Ke dhe-ves skon dhe'n plenys ha dhe'n stretys y'n sita ha doro omma an voghosogyon, ha'n evredhyon, ha'n dhellyon ha'n gloppogyon.”

Luk 14:21 Iomraidhean Croise

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 38:7

Rag ow diwglun yw leun a gleves kasadow, ha nyns eus yeghes y'm kig.

Ysay 33:23

Dha lovanweyth a greg lows, ny yllons synsi fast sel aga gwern, na gwitha an goel lesys yn-mes. Ena preydh pals a vydh kevrennys; hwath evredhyon a yll pylla.

Ysay 35:6

Ena an evredhek a lamm avel karow, ha taves an den avlavar a gan yn lowen. Rag dowr a derr yn-mes y'n gwylvos, ha goverow y'n difeythtir.

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Zekaria 11:11

Ev a veu dileys y'n jydh na, ha boghosogyon an flokk, neb esa ow mires orthiv, a wodhva hemma dhe vos ger an Arloedh.

Zekaria 11:7

Ytho my a beskis an flokk rag an ladhva, ynwedh boghosogyon an flokk. My a gemmeras diw vagel ha my a henwis an eyl Hwekter ha'y ben Kolmow, ha my a beskis an flokk.

Matthew 11:28

Dewgh dhymmo vy oll hwi yw skwithys ha beghys poes, ha my a re powes dhywgh.

Matthew 11:5

dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Matthew 15:12

Ena an dhyskyblon a dheuth ha leverel dhodho, ‘A wodhesta bos an Fariseow sklandrys ow klewes an lavar na?’

Matthew 18:31

Pan welas y geswesyon ytho an taklow a veu gwrys, i a's teva keudh bras, hag yth ethons ha derivas dh'aga mester pup-tra re bia gwrys.

Matthew 20:7

Yn-medhons dhodho, “Drefenn na wrug denvyth agan arveth.” Yn-medh ev dhedha, “Ewgh hwi ynwedh y'n winlann.”

Luk 14:13

Mes pan wredh kevewi, galw an voghosogyon, an evredhyon, an gloppogyon, an dhellyon;

Luk 14:20

Hag yn-medh den arall, “My re dhemmedhis benyn, ha rakhenna ny allav dos.”

Luk 14:22

Ha'n gwas a leveris, “Mester, re beu gwrys dell erghsys, hag yma hwath spas.”

Luk 14:24

Rag my a lever dhywgh, ny wra nagonan a'n wer na a veu gelwys tastya ow hevewi.” ’

Luk 24:47

hag edrega, ha dehwelyans peghosow, dhe vos pregewthys yn y hanow ev dhe oll an kenedhlow, ow talleth dhiworth Yerusalem.

Luk 9:10

Ha'n abesteli, wosa i dhe dhehweles, a dherivas dhodho pup-tra re wrussens. Hag ev a's kemmeras hag omdenna yn priva dhe sita henwys Bethsaida.

Yowann 9:39

Ha Yesu a leveris, ‘Dhe vreus yth ov vy devedhys y'n bys ma, rag may hwello kemmys na yll gweles, ha may fo dall kemmys a yll gweles.’

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.

1 Samuel 25:12

Ytho gwer yowynk Davydh a dreylyas dhe-ves, ha mos arta, ha dehweles hag i a dherivas dhodho war-lergh oll an geryow ma.