Luk 14:13 - An Bibel Kernewek 20234 (Kernewek Kemmyn)

¹³ Mes pan wredh kevewi, galw an voghosogyon, an evredhyon, an gloppogyon, an dhellyon;

Luk 14:13 Iomraidhean Croise

2 Samuel 6:19

Hag ev a lesrannas dhe oll an bobel, dhe oll routh Ysrael, dhe bub gour ha benyn, unn torth-vara, unn rann a gig, hag unn desenn-rappys. Ena oll an bobel a dhibarthas, pubonan dh'y ji.

2 Kroniklys 30:24

Hezekia myghtern Yuda a ros dhe'n kuntelles mil darow ha seyth mil dhavas rag offrynnow, ha'n soedhogyon a ros dhe'n kuntelles mil darow ha deg mil dhavas. Niver meur a'n oferysi a omsakras aga honan.

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Nehemia 8:12

Hag oll an bobel eth yn-kerdh dhe dhybri ha dhe eva, ha dhe dhannvon rannow ha dhe wul lowender bras, drefenn i dhe gonvedhes an geryow a veu disklerys dhedha.

Job 29:13

An dus esa ow merwel a'm benniga, ha my a wre dhe golonn an wedhwes kana.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 22:9

Neb yw hel a vydh benniges rag ev a re a'y vara dhe'n boghosek.

Ysay 58:10

mar profydh dha enev rag an nownek, ha sostena enev an den truan, ena dha wolow a splann y'n tewlder, ha dha dewolgow a vydh avel an hanter-dydh.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Matthew 15:30

Hag y teuth dhodho routhow bras ha gansa tus evredhek, dall, mans, avlavar ha lies huni arall, hag i a's gorras dhe'n leur orth y dreys ev, hag ev a's yaghhas.

Matthew 22:10

Hag yth eth an gethwesyon na yn-mes dhe'n fordhow ha kuntell oll an dus a wrussons aga dyerbynna, an re dhrog ha da kekeffrys; ha hel an demmedhyans a veu lenwys a westoryon.

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Luk 14:12

Ena yn-medh ev dhe'n den a wrussa y elwel, ‘Pan rylli li po soper, na wra gelwel dha gowetha na'th vreder na'th neskerens na'th kentrevogyon rych, rag own i dhe'th elwel arta, hag y fydh dhis attal.

Luk 14:14

ha gwynnvys ty a vydh, rag ny yllons ri attal dhis; rag attal a vydh res dhis yn dasserghyans an re wiryon.’

Luk 14:21

Ha'n kethwas a dheuth dhe dherivas henna orth y vester. Ena mester an chi a sorras, hag yn-medh ev dh'y was, “Ke dhe-ves skon dhe'n plenys ha dhe'n stretys y'n sita ha doro omma an voghosogyon, ha'n evredhyon, ha'n dhellyon ha'n gloppogyon.”

Oberow 9:39

Ytho Peder a sevis yn-bann ha mos gansa; pan dhothya, i a'n ledyas yn-bann dhe'n stevell wartha, ha'n gwedhwesow oll a sevis rybdho, owth oela hag ow tiskwedhes krysyow ha dillas re wrussa Dorkas ha hi gansa.

Dewteronomi 14:29

ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 16:14

Lowenha y'th ty'goel, ty ha'th vab, ha'th vyrgh, ha'th was, ha'th vaghteth, ha'n Levyas, ha'n alyon, ha'n omdhivas, ha'n wedhwes usi y'th yetys.

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

1 Timothi 5:10

gans dustuni a'y gwriansow da, mar magas fleghes, mar ros hi ostyans dhe estrenyon, mar kolghas treys an syns, mar kweresas an re yn anken, mar omros dhe bub gwrians da.

Titus 1:8

mes hel, karer dader, doeth, ewnhynsek, sans, omrewlys,

Filemon 1:7

Rag my a gavas meur a lowena ha konfort y'th kerensa, drefenn kolodhyon an syns dhe vos kennerthys dredhos, a vroder.

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.