Luk 12:8 - An Bibel Kernewek 20234 (Kernewek Kemmyn)

⁸ ‘Ha my a lever dhywgh, piwpynag a wrello ow aswonn a-rag tus, Mab an den ynwedh a wra y aswonn a-rag eledh Duw.

Luk 12:8 Iomraidhean Croise

Salmow 119:46

My a gews a'th tustuniow a-dherag myghternedh, ha ny borthav meth.

Matthew 8:20

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus le may hyll powes y benn ynno.’

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

1 Yowann 2:23

Pub huni neb a nagh an Mab, na byth moy ny'n jeves an Tas; neb a aswonn an Mab a'n jeves an Tas ynwedh.

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.