Luk 12:19 - An Bibel Kernewek 20234 (Kernewek Kemmyn)

¹⁹ ha my a lever dhe'm enev, Ty enev, yma dhis pythow lower gorrys yn gwith rag lies blydhen; gwra powes, dybri, eva, ha bos lowen.”

Luk 12:19 Iomraidhean Croise

Job 14:1

‘Mab-den, genys a venyn, yw kott y dhydhyow, ha leun a anken.

Salmow 49:18

Rag ev a vennik y enev hag ev yn few, ha tus a'th wormel pan sewenydh.

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Lavarow Koth 10:2

Tresoryow kevys gans droktra ny dhegons les, mes ewnder a dhelirv a ankow.

Lavarow Koth 14:24

Kurun an re fur yw aga rychys, mes follneth yw garlont an fellyon.

Lavarow Koth 18:11

Pythow an den rych yw y sita grev, hag avel fos ughel yn y gonsayt y honan.

Lavarow Koth 23:5

Pan wel dha dhewlagas rychys, gyllys yw, rag distowgh ev a gemmer diwaskell dhodho y honan, ow nija avel er war-tu ha'n ebron.

Lavarow Koth 27:1

Na vost a-dro dhe a-vorow, rag ny wodhes pandr'a dhre unn jydh.

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ekklesiastes 2:24

Nyns eus travyth gwell rag den ages dybri hag eva, ha bos lowen yn y lavur. Ynwedh my re welas hemma dhe dhos dhiworth leuv Duw.

Ysay 22:13

Hag otta yma joy ha lowender, ladha chatel ha ladha deves, dybri kig hag eva gwin; ‘Dybryn hag evyn, rag a-vorow ni a verow’.

Ysay 5:11

Go-i a dhifun myttin a-varr dhe helghya korev, ha tarya bys nos, ynflammys gans gwin.

Ysay 5:8

Go-i a jun chi dhe ji, ha keworra park dhe bark, bys pan na vo tyller gesys, ha nyns eus gesys marnas hwi dhe driga yn kres an wlas.

Ysay 56:12

‘Dewgh’, yn-medhons, ‘gesewgh vy dhe gavoes gwin! Evyn agan gwalgh a gorev. An vorow a vydh avel hemma, po brassa hwath.’

Hosea 12:8

Yn-medh Efraym, ‘Yn hwir rych ov vy, my re drovyas pythow; yn oll ow lavur ny gevons ynnov kammhynseth, yw pegh.’

Amos 6:13

Hwi a lowenha yn Lo-debar, ow leverel, ‘A ny wrussyn gans agan nerth agan honan kemmeres ragon Karnaym?’

Habakkuk 1:16

Rakhenna yth offrynn dh'y roes ha leski offrynnow dh'y roes-draylya; rag bras yw y rann dredha, ha rych yw y boes.

Luk 12:18

Hag yn-medh ev, “Hemma a wrav; my a denn dhe'n dor ow skiberyow ha drehevel brassa, ha kuntell ena oll an greun ha'm pythow,

Luk 16:19

‘Yth esa den rych, neb a omwiska yn purpur ha sendal, ow kevewya yn splann pub dydh oll.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

1 Korinthianys 15:32

Mar omledhis vy orth goedhviles yn Efesus rag skilys nag o saw a dhensys, py les yw dhymm? Mar nyns yw drehevys an re varow, ‘Gwren dybri hag eva, rag a-vorow y ferwyn.’

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

1 Timothi 5:6

Mes neb a vew yn plesour yw marow kyn fo hi hwath yn few.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

2 Timothi 3:4

traytours, dibreder, omhwythys, karoryon plesour moy es karoryon Duw,

Jamys 5:5

Hwi re vewas yn es hag yn plesour war an dor; hwi re vagas agas kolonn yn dydh ladhva.

1 Peder 4:3

Rag lowr yw an termyn usi tremenys dhe wul war-lergh towl an Jentilys ow pesya yn leshyans, drokhwansow, medhwenep, kevewiow gwyls, eva re ha gordhyans idolys yw erbynn lagha.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

1 Samuel 30:16

Pan y'n drosa yn-nans, awotta, yth ens i lesys a-derdro war enep oll an dor, ow tybri hag owth eva, hag ow tonsya, drefenn an myns bras a breydh a gemmersens yn-mes a bow an Filistysi hag yn-mes a bow Yuda.