Luk 11:9 - An Bibel Kernewek 20234 (Kernewek Kemmyn)

⁹ ‘Ha my a lever dhywgh, govynnewgh hag y fydh res dhywgh, hwilewgh ha hwi a gyv, knoukyewgh hag y fydh igerys dhywgh;

Luk 11:9 Iomraidhean Croise

Salmow 118:5

Yn ahwer y helwis vy war an Arloedh; ev a worthybis dhymm, ha'm gorra yn tyller ledan.

Salmow 27:4

Unn dra a wovynnis orth an Arloedh, henna a hwilav: my dhe driga yn chi an Arloedh dres oll dydhyow ow bewnans, dhe vires orth tekter an Arloedh, ha dhe brederi yn y dempel.

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Salmow 34:10

An lewyon yowynk yw yn esow hag i a berth nown, mes ny fyll travyth dha dhe'n re a hwila an Arloedh.

Salmow 34:4

My a hwilas an Arloedh, hag ev a worthybis dhymm, ha'm delivra dhiworth pup-tra a borthav own anodho.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

An Gan a Ganow 5:6

My a igoras dhe'm karadow, mes ow haradow a dreylyas, ha gyllys o dhe-ves. Ow enev a fyllis pan gewsis ev. My a'n hwilas, mes ny wrug vy y gavoes; my a'n gelwis, mes ny worthybis dhymm.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Yeremia 29:12

Ena hwi a elow warnav, hag yth ewgh ha pysi warnav, ha my a'gas klew.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Daniel 9:3

Ena my a dreylyas ow thremmynn troha'n Arloedh Duw, orth y hwilas dre bysadow ha der aspysadow, gans penys, ha gans yskar ha lusu.

Matthew 21:22

ha pypynag oll a wovynnowgh yn pysadow gans fydh, hwi a'n kyv.’

Matthew 21:31

Pyneyl a'n dhew a wrug bodh y das?’ Yn-medhons, ‘An kynsa.’ Yesu a leveris dhedha, ‘Yn hwir y lavarav dhywgh, bos an dolloryon ha'n horys ow mones a-bervedh yn gwlaskor Duw kyns es dell wrewgh hwi.

Matthew 6:29

mes yn-medhav dhywgh, nyns o Solomon yn oll y splannder gwiskys kepar hag onan a'n re ma.

Mark 11:24

Rakhenna my a lever dhywgh, pypynag a hwilowgh pan bysowgh, krysewgh y dhegemmeres, ha hwi a'n kyv.

Mark 13:37

Ha'n pyth a lavarav dhy'hwi, my a'n lever dhe bub den oll: goelyewgh.’

Luk 11:10

rag peub hag a wovynn a dhegemmer, ha neb a hwila a gyv, ha dhe neb a gnouk y fydh igerys.

Yowann 14:13

Ha pypynag a wovynnowgh y'm hanow vy, henna a wrav, may fo glorifiys an Tas y'n Mab.

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Yowann 15:7

Mar trigowgh ynnov, ha'm geryow mar trigons ynnowgh, govynnewgh pypynag a vynnowgh, ha gwrys vydh ragowgh.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

2 Korinthianys 6:2

rag ev a lever, ‘Yn termyn plegadow my a'th klewas hag yn dydh a selwyans my a'th weresas.’ Otta, lemmyn yth yw termyn fest plegadow, otta, lemmyn yth yw dydh a selwyans;

Ebrowyon 11:6

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.

Ebrowyon 4:16

Nesyn ytho gans fydhyans dhe'n tron a ras, may tegemmerryn tregeredh ha kavoes gras dhe weres yn termyn edhomm.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Jamys 5:15

Ha pysadow fydh a wra sawya an klav, ha'n Arloedh a vynn y dhrehevel. Ha mar kwrug ev peghosow, y fydh henna gevys dhodho.

1 Yowann 3:22

Ha ni a'gan beus ganso pypynag a bysyn, drefenn ni dhe witha y worhemmynnow ha ni dhe wul an pyth yw plegadow a-ragdho.

Diskwedhyans 2:24

Mes dhywgh hwi y lavarav, ha dhe'n re erell yn Thyatira, dhe vyns na'n jeffo an dyskas ma, na wodhva, dell leverons, downderyow Satnas: ny worrav warnowgh begh arall.