Luk 11:41 - An Bibel Kernewek 20234 (Kernewek Kemmyn)

⁴¹ Mes rewgh alusen a'n pyth usi war-ji, hag otta pup-tra a vydh glan dhywgh.

Luk 11:41 Iomraidhean Croise

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Salmow 41:1

Gwynnvys neb a wra vri a'n den gwann; an Arloedh a'n delirv yn dydh anken.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Matthew 26:11

Hwi a gyv an voghosogyon pub eur genowgh, mes my ny'm gevowgh pup-prys.

Matthew 5:42

Ro dhe neb a wovynno orthis, ha na wra omdenna dhiworth an den a vynnsa chevisya ahanas.

Mark 7:19

rag ny enter dh'y golonn, mes dh'y golodhyon, ha mos yn-mes y'n kawghti?’ Yndella ev a dheklaryas oll an boesow dhe vos glan.

Luk 12:33

Gwerthewgh agas pythow ha rewgh alusen. Gwrewgh porsys dhywgh agas honan na vydhons koth, tresor y'n nevow na fyll nevra, le na dheu lader dhodho na ny wra goedhan y dhistrui.

Luk 16:9

Ha my a lever dhywgh, gwrewgh kowetha dhywgh agas honan a'n mammon a anwiryonedh, rag may fowgh wolkommys, pan fyll ev, bys yn annedhow heb diwedh.

Luk 18:22

Pan glewas Yesu henna, yn-medh ev dhodho, ‘Hwath unn dra a fyll dhis: gwerth pup-tra eus dhis ha'y ranna dhe'n voghosogyon, ha ty a' fydh tresor y'n nevow, ha deus, hol vy.’

Luk 19:8

Mes Zakkeus a sevis ha leverel dhe'n Arloedh, ‘Otta, hanter ow fythow, Arloedh, my a re dhe'n voghosogyon, ha mar kwrugavy kemmeres neppyth a nebonan dre frows, my a'n daskorr pedergweyth.’

Oberow 10:15

Ha'n lev a dheuth dhodho arta, nessa gweyth, ‘An taklow re lanhas Duw, na's galw avlan.’

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Oberow 24:17

Lemmyn wosa lies blydhen my a dheuth rag dri alusenow dhe'm pobel ha rag gul offrynnow.

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.

Efesianys 4:28

Neb a lader, na ladres namoy, mes gwres ev lavurya, owth oberi an dra dha gans y dhiwla y honan, may kaffo neppyth dhe ranna gans neb a'n jeffo edhomm.

Titus 1:15

Pup-tra yw glan dhe'n re yw glan, mes dhe'n re yw legrys ha diskryjyk, nyns yw travyth glan, mes legrys yw ha'ga brys ha'ga howses.

Ebrowyon 13:16

Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.